TL Kontinua Dependensia Importasaun

Agrikultor tenke muda mentalidade dependensia ba importasaun husi rai liur, no agora tama ona ba tempu udan, husu povu atu aproveita ho rai bokur neebe sei abandona.

Tuir membru CCI-TL, Alberto de Araujo liu husi telephone hateten, lolos TL hapara ona sasan Imoprtasaun husi rai liut, maibe realidade TL depende ba aihan husi rai liur, lolos nee tau ona imoprtansia ba ai han sira husi rai laran, no governu tenke apoiu agrikultor sira hodi hasae produsaun rai laran no redus importasaun.

Hau hanoin too ona tempu governu atu apoiu povu agrikultor sira, hodi hasae produsaun iha rai laran, tanba rai bokur barak maka abandona hela iha foho sira nee, maibe haree ba fasilidade laiha tanba nee husu governu tenke apoiu hodi redus importasaun,”informa setor privadu nee ba STL, Kuarta (29/11/2017) liu husi telephone.

Nia mos informa liu tan katak, iha 2000 ba too 2008, TL la depende ba produtu importasaun, tanba povu maioria moris hanesan agrikultor, maibe ikus nee ema hotu lakohi halo toos ho natar, tan nee buat hotu depende deit ba importasaun.

Iha parte seluk Diretur Camara Comersiu Industria TL, CCI-TL, Nuno Trindade dehan, TL depende makas ba produtu importasaun, problema nee akontese tanba povu agrikultor baruk atu halo toos ho natar.

@STL