Solusiona Polemika Politika, Povu Tenke Tau Esperansa Nafatin ba PR

Akademiku sira husu ba povu atu kontinua fo konfiansa ba Xefe Estadu Francisco Guterres Lú Olo, atu bele solusiona polemika politika neebe dadaun nee ladauk iha solusaun.

Tuir Akademiku Universidade Dili (UNDIL) Francisco Mausoro hateten maske dadaun nee problema politika ladauk iha solusaun, maibe nafatin fo konfiansa ba Republika hodi nunee bele konvoka fila fali ho lider nasional sira hamutuk hodi resolve polemika politika.

Ita nia Prezidente Republika liu husi votus sagratu neebe maka liu husi eleisaun Prezidensial liu ita rasik  hili tamba nee kontinua fo konfiansa ba ita nian Prezidente Republika atu resolve polemika poltika neebe dadaun nee lao,” dehan  Mausoro ba STL liu husi via telefone, Kuarta (29/11/2017).

Nia dehan nudar sidadaun tenke tau esperansa nafatin ba Prezidente nudar aman nasaun nian, hamutuk ho lider sira seluk bele solusiona polemeika poltika neebe dadaun nee seidauk iha solusaun, hodi fo serteza ba VII governu konstitusional.

Iha sorin seluk  akademiku Universidade Nasional Timor-Leste ( UNTL) Camilo Ximenes Almeida hateten nia parte la fiar katak iha lider ida neebe maka bele hanoin aat atu destroi nian povu no nasaun neebe  nudarante  sira luta 24 hamutuk hodi luta.

@STL