Bankada opozisaun CNRT hateten
katak, laiha dalan atu diskuti Orsamentu Retifikativu (OR) ho programa
Governu dala ida, tanba kuandu programa Governu seidauk aprovadu, entaun
VII Governu ne’e hanesan Governu jestaun de’it.
Tuir komunikadu imprensa husi bankada
opozisaun CNRT, ne’ebé tama iha redasaun Domingu (29/10) katak, Primeiru
Ministru Mari Alkatiri hateten ba publiku katak, sei hatama Orsamentu
Rectificativo (OR) hamutuk ho programa dala ida ba Parlamentu Nasionál
(PN) ho razaun katak “Programa Governu” ne’e ba Orsamentu Jeral Estadu
(OGE) tinan lima oin mai 2018-2022, enkuantu OR ne’e atu ajusta deit
osan tinan 2017 nian ne’ebé la’o hela dadaun.
“Maibé Governu ne’ebé lejítimu maka bele
hatama kualker aktu legal, ka administrativu ba Parlamentu, incluindo
OR. VII Governo ne’e GOVERNO GESTAUN, Nune’e presiza hein programa
aprova mak bele hatama “Orsamentu Rectificativo” relata komunikadu
imprensa ne’e.
Razaun ne’e pensamentu logika deit,
maibé hamosu dúvidas lubuk ida ne’ebé presiza haree husi aspectu rua:
objetivu no legalidade.
OR ou Penyesuaian Anggaran bele halo atu
hamenus ou aumenta ou ajusta deit (mantein nia montante jeral) ba
orsamentu jeral hodi responde ba nesesidade ne’ebé iha.
“Governu iha Orsamentu Jeral Estadu
(OJE) 2017 ne’ebé la’o dadaun, no GOVERNO GESTAUN bele utiliza to’o
Dezembru 2017. Karik liu 2017 sei bele aplika mós “DUO DÉCIMO” ba
despezas rekorentes ba fulan Janeiru no Fevereiru 2018, karik OJE 2018
nian seidauk iha,” katak komunikadu imprensa ne’e.
Tuir CNRT nia hanoin ne’ebé hakerek iha
komunikadu imprensa ne’e katak, iha indikasaun forte katak, OR atu
adjusta no aumenta. Ida nee hamosu pergunta kona ba ajusta ba saida no
tamba sa maka tenki aumenta? Tamba ezekusaun OJE to’o loron 29 de
Outubru 2017 foin atinji 74% deit (portal transparencia), nunee sei iha
osan atu gasta.
Lei
Orsamentu no Jestaun Finanseira (LOJF) mós fó dalan atu halo virement
ou tranparensia entre kategoria Bens e Servisu, Kapital Menor no
Transparencia Publica. nune’ee la presiza OR atu halo ajustamentu maibé
halo virement de’it ba OJE 2017.
Maibé ajustamentu ne’e so halo deit tuir
estrutura orçamental ne’ebé la’o dadaun. Labele introdus fali ba
projecto foun ka Ministério foun (inklui Salário ba pasta
Ministru foun, nia appointment polítiku, projetu foun no buat foun seluk).
“Parlamento Nacional Labele aprova
AUMENTO ne’ebé injustificado maibé halo ajustamentu deit. Bele halo mós
ba pagamentus projectus ne’ebé komprometidu ona maibé La’os atu aumenta
tuir POLITIKA FOUN Governo GESTAUN nian. LEGALMENTE, Governu labele
hatama hodi aprova OR molok Programa Governo ne’e rasik aprovadu ona.
Seráke Governu ida ne’e iha lejitimidade atu hatama proposta de lei ba
Parliamentu Nasional (PN)?,” katak komunikadu Imprensa ne’e.
Tuir bankada CNRT, legalmente OR mós
nu’udar PROPOSTA DE LEI ida ne’ebé presija aprovasaun PN nian. Karik
intensaun ida husi OR maka atu halo adjustamentu orsamentu ba estrutura
Governu foun (Ezemplu: Ministériu Minerais, Ministériu Dezenvolvimentu,
etc) ne’ebé la preve iha OJE 2017, aprovasaun OR bele SIGNIFIKA katak
PARLAMENTO HO MAIORIA OPOZISAUN lejitima VII Governu. TANBA NE
IMPOSSÍVEL.
“Nunee, atu iha konsintensia, AMP tenki
rejeita programa no Orsamentu Retifikativu (OR). Tamba OR ne’e tuir nia
natureza to’o deit Dezembru 2017, nune’e husu ba funsionarius públiku,
membrus PNTL no membrus F-FDTL, profesores, veteranos no antigus
kombatentes no povu tomak atu labele laran tauk ho rejeisaun OR ne’ebé
sei hatama ba Parlamentu Tanba laiha Dalan husi aspektu legal tanba bele
INKONSTITUSIONAL,” relata komunikadu ne’e.
ORÇAMENTO
2017 nian mós sei la’o hela no foin gasta balun no sei falta 30% maka
seidauk gasta hotu. Tanba nee’ funsionáriu públiku sira sei simu nafatin
saláriu, no makina Estadu sei kontinua funsiona ho OJE 2017.@gmntv.tl
No comments:
Post a Comment