“Saida mak ami halo di’ak imi kontinua
no saida mak durante tinan lima ami halo ladun di’ak karik bele sai
hanesan inísiu reflesaun nian no inísiu relasionamentu foun entre imi
para labele iha lian naksala ba malu no tenke hatudu nafatin bo’a
vontade no solidaridade ba malu atu hamutuk kontribui di’ak liutan ba
ministru foun”, tenik iha seremónia entrega kna’ar ba Ministru iha
Prezidensia Konsellu Ministru, Adriano do Nascimento iha auditoriu PKM
Palásiu Governu, sesta (22/9).
Biban ne’e, Ministru Estadu no Ministru
Prezidensia Konsellu Ministru, Agio Pereira la marka prezensa tanba
kondisaun ladun saudável hafoin fila husi estranjeiru maibé iha SEKM,
SEKOMS, Nélio Isaac no SEAP Maria Teresinha ne’ebé durante ne’e hamutuk
ho ministériu refere. Ámbitu ne’e sekretariasu estadu hirak ne’e entrega
programa ho rekomendasaun ba ministru foun hodi kontinua.
“Durante mandatu tinan lima, ami iha
programa lubun ida hanesan reforma lejislativa no seluk tan ida ne’ebé
mak bele kontinua ou la’e karik, ministru foun iha kompeténsia tomak”,
afirma.
Hodi dehan tan, iha área jurídiku halo
mós serbisu balun ne’ebé iha koordenasaun ho rekursu umanu ne’ebé hahú
ho formasaun, kapasitasaun jurista timoroan ho intensaun katak
lejislasaun ne’e buat ne’ebé fundamentál tebes.
Nune’e mós akresenta tan, servisu husi
SEKOMS ne’ebé iha rekomendasaun lubun, ida ne’ebé mak di’ak ministru
foun bele fó prioridade no ladiak karik bele halo alterasaun.
Nia dehan tan, kestaun fundamentál
bainhira halo planu orsamentu jerál estadu (OJE) ba tinan 2016 to’o 2017
tanba tenke kontinua servisu asesór nasionál no internaionál ne’ebé
fundamentál tebes atu asegura servisu estadu.
“Nu’udar timoroan bainhira ministru atu
halo konsulta ruma, ami disponivel atu tulun ho intensaun sei mak ka’er
ukun Estadu ne’e tenke la’o ba oin no instituisaun sira tenke forte
liutan”, katak.
Hodi apela tan ba funsionáriu tomak atu
unidu no fó apóiu ba líder polítiku fó apoiu ba instituisaun ne’ebé mak
haknar atu servisu ne’e la’o ho di’ak, nune’e mós nia agradese ba
diretór jerál ba kolaborasaun iha servisu.
Iha fatin hanesan Diretór Jerál, Vitór
Maia hato’o bem vindu no konvida hamutuk ho funsionáriu ho kargu xefia
sira fó liman ba malu hamutuk hodi fó apóiu tomak ba ministru foun hodi
hala’o programa governu nian.
No comments:
Post a Comment