Lere Triste Joven Hahu Larespeita Lider Nasional

Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeral Lere Anan Timur hateten, nia parte triste tamba oras nee joven balun komesa halo aktus oin-oin hodi larespeita lider nasional sira.

Hau triste por exemplu horikalan hau akompania kuandu joven sira kritika Primeiru Ministru dehan katak arogante, laiha sentidu estadu joven sira nee hanoin sala ona, sira (Joven) podia aprende ho katuas sira laos sira maka atu mai hanorin fali katuas sira, katuas sira nee kuarenta i tal esperensia ona,” dehan nia ba jornalista sira iha palasiu Prezidensial Nicolau Lobatu, Bairru Pite, Kuarta (17/1/2018).

Lider nasional nee mos afirma relasiona situsaun neebe dadaun nee lao hela sei laiha krize. Tamba Prezidente Republika sei toma desizaun neebe maka neutru no desizaun neebe ke favore ba ema hotu.

Lere mos apela ba iha joven sira labele koalia ho lia fuan arbiru ba lider sira, tenke respeita lider sira, tamba ho sira maka oras nee Timor-Leste hetan indepedensia.

Nia husu ba joven sira tenke tane aas lider sira no adora sira, labele soe lia neebe ladun diak ba sira, tamba husi lider sira nee maka oin loron TL sai nasaun ida.

@STL