Bandeira Fretilin-PD Kesi Metin

Maske ema balu dehan Partidu Fretilin ho PD lakesi ou hasae bandeira hamutuk iha sira nia sede, maibe partidu rua nee rejeita katak, bandeira Fretilin ho PD kesi metin.

Xefi bankada Fretilin Francisco Miranda Branco hateten, Bandeira Fretilin ho PD kesi metin los, bainhira anin boot hu mos nia metin nafatin hela no lamonu ba rai, tanba pratika hatudu Fretilin ho PD lahamutuk hela to agora.

Bandeira Fretilin ho PD kesi metin, maske anin boot mos metin hela, neebe tenke iha pratika laos kesi deit, pratika ke hatudu ami lao hamutuk hela to ohin loron ,” dehan deputadu Branco, ba jornalsita sira, iha sala bankada Fretilin, Dili, Tersa (17/01/2018).

Nia dehan, Bele hasae bandeira iha fatin hotu hotu, maibe realidade bele lahamutuk, neebe importante maka Fretilin ho PD iha komitmentu ida deit, tau interese nasaun no povu maka aas liu buat hotu hotu.

Iha fatin hanesan Xefi bankada Maria Teresa Gusmao hateten PD ho Fretilin hare husi media seguru nafatin, no mos lao iha baze seguru nafatin, maibe jornalista maka limitadu atu kobre aktividade tomak iha terenu.

@STL