Xefe Estadu hato’o pedidu ne’e durante
sorumutu ho Presidente Konsellu Imprensa, Virgílio da Silva Guterres
ho ninia ekipa iha Palásiu Prezidensiál Bairru-Pité, Segunda (11/12).
ʺPrezidente hameno ba jornalista sira
atu iha kapasidade investigativu, tanba jornalista sira labele foti kazu
ida sai notísia no lahatene kazu ne’e akontese oinsá, ita la buka
tuir ema rona tiha informasaun aban ema haluha,ʺ Virgílio da Silva
Guterres tatoli Prezidente Lú Olo nia lia menon ba jornalista sira.
Tuir Lú Olo, notísia investigativu ne’e
importante atu públiku bele entende kle’an no didi’ak kona-ba
informasaun ne’ebé fó sai on aba Públiku.
Iha parte seluk, ekipa konsellu imprensa
ho Xefe estadu objetivu mak konsellu imprensa konvida Prezidente Lú Olo
atu partisipa iha serimónia atribuisaun karteira professional ba
Jornalista sira iha loron 20 Dezembru 2017.
Alende ne’e, informa mós kona-ba
rezultadu Dili Dialog Forum ne’ebé hala’o ona iha fulan rua kotuk no sei
kontinua iha Maiu 2018.
ʺPreokupasaun ne’ebé ami partilla ho
prezidente maka liuliu kuadru legais ne’ebé Timor Leste seidauk iha,
ita seidauk iha lei kona-ba radio no televizaun komersiál, ninia
kompeténsia no programa, ko’alia kona-ba radio komunidade radio
doutrinadu sira, ʺ Virgílio haktuir tan.
Bainhira iha ona kuadrus legais sira
bele apoiu KI atu kontrola Radio no TV komersiál sira bainhira viola
diretu públiku liuhusi informasaun.
@tatoli.tl
No comments:
Post a Comment