Ministru Adriano aprejenta Ministru
Planu no Finansa nian, Rui Gomes, bainhira remata aprezentasaun proposta
OR iha komisaun C Parlamentu Nasionál (PN), ohin.
“Primeiru mak laiha sirkulasaun osan iha
merkadu tanba ema lubun ida la simu osan liuliu emprezáriu sira ne’ebé
halo ona obra ho sira-nia osan rasik, maibé Governu laselu maka klaru
katak iha impaktu ba merkadu”, Adriano hatete iha uma fukun.
“Orsamentu Retifikativu la aprova ho tan
to’o dada malu ida agora, ohin Ministru Planu no Finansa hatete ona
katak téknikamente susar ona, maski aprova mós susar atu ezekuta tanba
hela de’it loron hira oan. Ne’e tanba karater urjénsia ne’ebé Governu
aprezenta Parlamentu rejeita. Kuandu rejeita nia urjénsia, nia impkatu
mak ne’e”.
Nasaun iha dilema no susar nia laran
tanba tusan sira ne’ebé Estadu laselu ho ema nia tusan ne’ebé iha, sei
selu multa aumenta ba beibeik.
“Sé programa mai mak rejeita nune’e mós
ho orsamentu anuál seidauk iha, klaru katak funsionáriu kontratadu lubuk
ida mós sei para. Ne’e rihun ba rihun sei para, ida ne’e mós impaktu ba
sirkulasaun ba kbiit kompra, satán Natál ho tinan foun ne’e susar
tebes”.
Sobre programa Governu sei aprezenta
maibé daudaun ne’e hein hela debate OR tanba Prezidente Parlamentu
despaixa ona durante loron sanulu nia laran atu diskute ho komisaun no
ohin loron ikus liu ona.
“Como ohin foin rona katak
komisaun seluk la funsiona, lahalo audiénsia, labolu Governu atu mai
esplika, komisaun finansa nian mak bolu Ministru esplika, signifika ita
sei iha konfuzaun nia laran”.
Adriano hatutan bainhira deputadu sira lakohi aprova OR maka ita hotu simu konsikuénsia.
@tatoli.tl
No comments:
Post a Comment