Politika Governu La Efisien, Dezempregu Aas

Kada Tinan eskola hotu hotu produs sarjana barak maibe, liga ba kampu servisu kontinua menus, problema dezempregu aas tanba impaktu husi politik governu nia neebe la efisiensia hahu kedas husi primeira governu too agora.

Preokupasaun nee hatoo husi Reprezentante povu iha uma fukun Parlamentu Nasional PN, Deputadu Joaqim dos Santos ba STL, Kinta (30/11/2017) iha nia knaar fatin PN.

Ita haree ba numeru dezempregu iha rai laran kada tinan kontinua aas ba nafatin, no too agora seidauk iha industria boot ida boot ida, atu kria kampu servisu ba joven rihun ba rihun neebe sei dezempregu hela, problema sira nee akontese tanba politik governu nian neebe la efisensia, tanba nee susar atu redus numeru dezempregu iha rai laran,”dehan Deputadu Joaqim.

Nia mos informa liu tan katak, iha permeiru governu kuandu FRETILIN kaer ukun tau ona prioridade ida maka atu redus numeru dezempregu iha rai laran hodi hasae dezenvolvimentu iiha setor privadu, kooperativa no industria  publiku maibe, iha tempu neeba la konsege implementa planu sira nee tanba politik sira la konkorda hodi hamonu FRETILIN.

Iha parte seluk ekonomista Martonho M. da Costa dehan, atu redus numeru dezempregu iha rai laran, maka industria boot balun neebe tama ona mai investe iha rai laran nee, labele lori kedas sira nia ema husi rai liur, no mai investe tenke kria kampu servisu ba Timor oan sira, maibe realidade neebe akontese iha rai laran atu kahur masa deit mos ema mai husi rai liur.

@STL