PM Alkatiri la admiti Somoxo rejigna-an

Primeiru Ministru (PM), Mari Alkatiri, sei la autoriza no la admiti kualker membru Governu, inklui Ministru Defeza no Seguransa (MDS), José Agustinho Sequera Somoxo atu rejigna-an.

Ministru José Siquera Somoxo deklara ona sei rejigna-an tanba halo deklarasaun kontroverisal hodi dehan, se situasuan difisil ruma mosu maka PNTL ho F-FDTL sei la intervein no husu ba deputadu nain 35 iha Parlamentu Nasional mak intervein.

“Ha’u la autoriza mamrnbru governu ida atu rejigna-an, tanba ha’u maka hatama sira, ha’u maka responsabilidade ba sira, ami sei nafatin hamutuk dala ruma iha emosaun halo deklarasaun sala ne’e normal,”  hateten PM  Alkatiri ba Jornalista sira hafoin partisipa loron proklamasaun independensia ba dala 42 iha Munisipiu  Covalima,  Tersa  (28/11/2017).

PM Alkatiri konsidera katak, Ministru josé Sequera Somoxo nia deklarasaun ne’e la fo impkatu ba nasaun no la iha impaktu ba estabilidade nasional.

“Laiha konsekuensia aat ba rai ida ne’e, karik ema balun la gosta ou nia arepende karik nia husu deskulpa, maibé la iha ema ida atu rejigna aan,” afirma PM Mari Alkatiri.

Liu husi konferensia impensa, foin lalais ne’e, Bankada Opozisaun Parlamentar, kompostu husi Bankada CNRT, PLP ho KHUNTO, afirma hodi konsidera deklarasaun Somoxo nian ne’e hatudu nia inkapasidade no husu atu rejigna-an.

@gmntv.tl