Bankada Koligasaun (BK) ne’ebé
kompostu husi Partidu FRETILIN no Partidu Demokratiku (PD), prontu
partisipa diskusaun mosaun sensura iha plenaria Parlamentu Nasional,
bainhira Prezidente PN, Aniceto Guterres ajenda.
“Maske mosaun sensura ne’e, bankada
koligasaun konsidera laiha dalan atu halo debate, tanba iha prosesu
debate Orsamentu Retifikativu ho karakter normal iha komisaun
espesializadas permanentes,”hateten Prezidente Bankada PD, Maria Teresa,
ba jornalista sira iha PN, Sesta (02/12/2017).
“Mosaun sensura to’o ona iha Prezidente
PN, maibe tuir rejimentu parlamentu nian, bainhira prezidente baixa ba
komisaun ho karakter normal durante loron sanulu, labele iha plenaria,
ita hein to’ok orsamentu ne’e iha komisaun debate hotu mak, ita haree
fali ajenda ba plenaria, AMP nia mosaun sensura ne’e razaun loloos
saida, AMP mós tenke hatene tuir konstituisaun, katak kuandu programa
pasa tiha nia ezekusaun ladiak no latuir buat ne’ebé laiha benefisiu no
halo erru barak, hafoin bele hato’o mosaun sensura ba governu katak
ladiak, tanba mosaun sensura signifika lakon konfiansa ba governu ka
tidak percaya, lalori nesesidade povu nian ho diak, uza sala osan,
korupsaun ka programa la ezekuta, sera que programa de’it mai sira
(opozisaun) vota kontra nafatin, oinsa governu atu ezekuta,”dehan
deputada Maria Teresa.
Enkuantu, iha artigu 111 konstituisaun
RDTL, kona-ba mosaun sensura nian, iha parte primeiru hateten, Ho
inisiativa baluk-haat ida ¼ deputadu ne’ebé sei hala’o hela kna’ar iha
Parlamentu Nasionál, bele halo votu sensura ida ba Governu, kona-ba nia
programa eh buat seluk ne’ebé relevante ba interese nasionál.
No iha parte daruak nia hatete, Mosaun
sensura la hetan apoiu karik, sira-ne’ebé asina mosaun ne’e labele
aprezenta fali mosaun seluk, iha sesaun ne’ebé la’o daudaun.
Antes
ne’e, Pezidente Bankada PLP, Fidelis Magalhães, mós ejize ba Prezidente
PN atu ajenda lalais mosaun sensura no rekursu ne’ebé AMP aprezenta,
hafoin diskute Orsamentu Retifikativu ho karakter normal.@gmntv.tl
No comments:
Post a Comment