Prezidente PLP Husu PR Atu Fó Kompeténsia Ba Partidu Segundu Mais Votadu

Prezidente PLP Husu Ba Prezidente Republika Atu Fó Kompeténsia Ba Partidu Segundu Mais Votadu, Atu Forma Oitavu Governu Konstitusionál. Pedidu Taur Matan Ruak Ne’e Aprezenta Iha Konferénsia Nasionál Partidu CNRT Ba Daruak, Iha Sede Nasionál Bairru Dos Grilos Díli. Ba Líder Polítiku Ne’e, Partidu CNRT, KHUNTO No PLP Sei Garante Estabilidade Governativa Durante Tinan Lima Mai.

Taur Matan Ruak “Hau Hakarak Aproveita Hatete Ba Ita Nia Nai Prezidente, Dalan Diak Agora Mak Fo Ba Segundu Mais Votadu, E Segundu Mais Votadu Iha Kapasidade Asegura Estabilidade Governativa Iha Proximu Tinan 5, Liliu Iha Faze Ida Rekursial Mai Ita Nia Nasaun.”

Iha Parte Seluk, Konselleiru Partidu Khunto Jose Agustinho Naimori Bukar Deklara, Khuntu Sei Oportunidade Ba Lideransa Partidu CNRT No PLP, Atu Kaer Ukun.

Naimori ”Amizade Ida Laos Hare Deit Ba Partidu, Amizade Ida Hanesan Ema Sira Ne’ebe Mak Uluk Hamutuk Ho Ita Nia Maun Nain Rua, Hatudu Ita Nia Fuan Mos, Hatudu Ita Nia Laran Mos E Fo Oportunidade Ba Sira Atu Hamutuk Ho Ita, Fo Fini Diak Ba Ita Nia Future.”

Relasiona Ho Pozisaun Husi Líder PLP No KHUNTO, Sekretáriu Jerál CNRT Francisco Kalbuady Lay Afirma, Kongressu Nasionál Partidu CNRT, Sei Legaliza Bloku Partidária Ne’e.

Francisco Kalbuady Lay “Ita Kuandu Iha Aliansa Maioria Parlamentar, Ita Tenke Halo Konfrensia Kada Partidu Idak-Idak, Ita Desidi Katak Ita Tenke Halao Duni Konfrensia Ida Ne’e Para Atu Legaliza Ita Nia Aliasa Ida Ne’e.”

Tuir Kalendáriu Iha Segunda-Feira, Sétimu Governu Konstitusionál Proposta Orsamentu Ratifikativu Ba Parlamentu Nasionál, Atu Deskuti No Aprova. Antes Ne’e, Partidu Opozisaun Aprova Mosaun Rejeisaun Ba Programa Governu Ho Votus Afavor 35 No Kontra 30.

@rttlep.tl