PR Lú Olo Sei Halo Dialogo ho Xanana Gusmau, Taur Matan Ruak no Marí Alkatiri

Prezidente da Republika, Dr. Francisco Guterres Lú Olo, sei esforsu an hodi halo dialogu ho Prezidente partidu CNRT, Xanana Gusmão, Prezidente PLP, Taur Matan Ruak no Sekretarií Jeral partidu Fretilin, Dr. Mari Alkatiri.

Tuir komunikada imprensa hosi media Prezidente da Republika, esplika katak objetivu hosi esforsu ne’ebe Prezidente da Republika hakarak konvoka dialogu ne’e, tanba hakarak buka solusaun ba problema politiku, ne’ebe mosu hafoin partidu opozisaun rejeita programa VII Governu Konstituisional iha Parlamentu Nasional iha tempu kotuk liuba.

Prezidente Lú Olo foti inisiativa ne’e nudar kontinuasaun hosi dialogu sira ne’ebé hahú tiha ona ho líder partidu polítiku sira, iha prosesu ba kampanna eleisaun Parlamentár no formasaun Governu hafoin Tribunál Rekursu anunsia rezultadu eleisaun Parlamentár.

Tuir agenda ne’ebe mak determina hosi Prezidente da Republika, dialogu ne’e sei marka iha loron 15 Novembru, iha Palacio Prezidente da Republika.

@tafara.tl