“PNTL mantein no firmeza ba ninia misaun. Ami prontu atu asegura paz no estabilidade iha rai laran. Maibé kestaun politika PNTL lamete. Ida ne’e politika sira nian. Politikus sira hatene oinsa maka atu resolve kestaun politika iha ita nia rai laran.”
Hatán Komandante Jeral PNTL, Komisariu Julio da Costa Hornay ba Jornalista hafoin remata enkontru ho Prezidente Repúblika, Francisco Guterres Lú Olo iha palasiu Prezidensiál foin lalais ne’e bainhira husu konaba deklarasaun Ministru Defeza no Seguransa, José Agostinho Sequeira Somotxo.
Hanesan públika tiha ona iha mÃdia nasionál Somotxo hateten, nu’udar Ministru Deveza no
Seguransa perkupa hó Orsamentu Ratifikativu (OR) ne’ebé la-passa sei prejudika servisu F-FDTL no PNTL nune’e akontese buat ruma sei intrega ba Deputadu 35 maka sei responsavel.
“Hau nu’udar Ministro Defeza no Seguransa kuandu problema ruma mosu iha Timor ne’e, nein soldadu F-FDTL ho PNTL ida sai. Hotu-hotu iha Kuartel. Tanba problema ne’e provokasaun hosi deputadu sira,” deklara Somotxo.
Nune’e Komisariu Julio hatán dehan, PNTL mantein no firmize ba ninia misaun hanesan klaru ona iha Konstituisaun RDTL, Lei Organika PNTL no Regulamentu disiplinar. PNTL prontu atu asegura paz no estabilidade iha rai laran.
Katak Komisariu Julio, kestaun politika PNTL lamete. Ne’e politika sira nian. Politika sira hatene oinsa maka atu resolve kestaun politika iha rai laran. Seguransa ninia misaun atu halo seguransa. Laos atu halo politika.
“Ne’ebé kualker situasaun saida deit maka akontese iha teritoriu timor laran tomak, forsa seguransa emkordenada ho Falintil-Forsa Defeza Timor-Leste (F-FDTL) prontidaun atu halo prevensaun no atuasaun ba aktu krime,” tenik Komisariu Julio hodi hatutan.
Koordenasaun patrolhamento Forsa PNTL no F-FDTL nia relasaun metin para halo prevensaun no atuasaun. Prontu atu asegura, garante estabilidade no paz. Karik iha problema ruma mosu forsa rua ne’e prontu halo atuasaun tuir misaun ne’ebé klaru ona.
No comments:
Post a Comment