Kompetensia Opozisaun Vota Kontra Pareser Karakter Urjensia

Ministru Presidensia Konsellu Ministru Adriano do Nascimento hateten, Kompetensia oposizaun iha Parlamentu Nasional vota kontra parser ho karater urjensia neebe maka Governu lori Orsamentu mai ho Urjensia.

Ita hakarak hateten katak, Governu lori Orsamentu ida nee mai nudar urjenti, tanba atu responde nesesidade urjenti hanesan hau hateten bain bain ema moras lubun ida neebe ospital sira iha nasaun sira seluk nee lakoi simu ita selu lai sira nia vidas,” dehan Ministru PCM Adriano ba jornalista sira iha PN, Dili, Segunda (20/11/2017).

Ministru PCM Adriano hateten, Nunee mos projetu sira neebe emprezariu sira halo Governu tenke selu, tuir nia progresu presentajen taka anu finaseiru nee.

Nunee mos Governu atu sosa buat neebe Governu laprevei orsamentu, exemplu kongretu maka transformador elektrisidade nian neebe ke laprevei osan iha neeba, inklui salariu PNTL ninia lato ona, depois salariu professor sira nian eskalaun sae tiha ona.

Nia dehan, Orsamentu neebe maka Governu propoin mai PN nee laos atu finansia programa Governu ida nee nian, maibe atu finansia programa Governu anterior neebe balu laprevei orsamentu, balu tau tiha iha orsamentu PN aprova mais osan latoo ona.

Governu nia responsabilidade maka lori mai iha PN, tanba iha PN maka dalan uniku Governu labele halo tranferensia ida neebe liu kapasidade tuir lei haruka, tanba osan laiha Governu tenke mai iha PN.

@STL