Governu liu husi reuniaun Konsellu Ministru Kuarta (15/11/2017) deskute hodi aprova ona salariu desimu terseiru (gaji ke-13) ba funsionariu publiku sira iha tinan ikus 2017 nian.
“Ohin KM koalia oinsa bele fo pagamentu extraordinariu ida ba setor publiku ne’ebe uluk ita koinese ho salariu desimu terseiru nian ida ne’e ohin KM aprova ona,” dehan Sekretariu Estadu Konsellu Ministro no Komunikasaun Sosial, Matias Boavida ba Jornalista sira iha Palaciodo Governo, Dili.
Nia esplika, dokumentu ne’ebe mak KM aprova aprezenta husi Ministeriu Planu Finansas.
Alende ne’e sira nia parte aprova mos atribuisaun judikasaun kontratu projetu konstrusaun ba edifisiu foun Polisia Nasional Timor – Leste (PNTL) nee’ebe aprezenta husi komisaun nasional Aprovizionamentu nune’e ba oin servisu hirak ne’e bele hahu.
Maski KM aprova ona salariu terseiru desimu ba funsionariu Publiku maibe portavoz governu ne’e seidauk hatene los montante husi orsamentu ne’ebe mak atu halo pagamentu ba funsionariu sira.
@THETIMOR-NEWS.COM
No comments:
Post a Comment