Akademista husu PN tau aas interese povu

Salvador Guterres nu’udar dosente Komunikasaun Sosial Universidade Nasional Timor Lorosa’e (UNTL), husu reprezentante povu iha Parlamentu Nasional (PN)  tau aas interese povu nian boot liu interese sira seluk.

“Ha’u husu ba deputadu sira labele lori sira poder ba interese partidária hanehan malu, depois haluha tiha interesse nasaun nian,”hateten Dosente Komunikasaun Sosial, Salvador Guterres ba jornalista iha UNTL, Segunda (13/11/2017).

Nia mós rekomenda ba lejislador sira iha Parlamentu Nasional, atu ho konsiensia konvense malu ba interese povu no nasaun nian.

“Nai deputadu sira tenke tau konsiensia ba, atu nune’e bele konvense malu, karik orsamentu ba nesesidade ne’ebé la presija ne’e bele rejeita ba, maibe ne’e importante ba nasaun nia vida, inklui povu tomak,”katak nia.

Iha fatin seluk, estudante Fakuldade Direitu,  Florindo da Silva, husu ba lider polítika sira atu iha konsensu, hodi tau interese Estadu aas liu interese sira seluk.

@gmntv.tl