Setimu Governu Lejitimu

Konstituisaun RDTL nia modelu hanesan mos konstituisaun Portugal nian, tanba nee setimu governu neebe lidera husi Primeiru Ministru, Mari Alkatirilejitimu,tanba  la bandu governu minoritariu.

Ba hau governu ida nee lejitimu, tanba ita nia konstituisaun la bandu governu minoritariu, modelu konstituisaun hanesan modelu Portugal nian neebe lao mos ho minoritariu mak ukun. Hau fiar, reprezentante povu nian neebe tur iha uma fukun sei asume responsabilidade atu viabiliza governu ida nee  iha tinan lima nia laran,”dehan Abilio Araujo ba STL iha nia rezidensia Tasi Tolu, Komoro, Domingu (01/10/2017).

Nia hatutan hanesan jerasaun 74/75 konsidera setimu governu sei ho programa neebe diak, orsamentu neebe diak atu materializa programa sira neebe iha, tan nee  fiar reprezentante povu sira iha uma fukun sei assume responsabilidade atu viabiliza governu ida nee iha tinan lima  nia laran.

Abilio Araujo informa agora dadaun nia rasik la halo politika ona, maibe tuir nia perspektiva programa setimu governubesik hanesan ho partidu balun nian, ida nee laiha deputadu ida  vota kontra.Programa neebe aplika tinan nee sei hatudu rezultadu iha parlamentu, lalaok servisu husi kada ministeriu,  governasaun lao  diak,  fiar iha  parlamentu sei apoiu. Nia hatutan karik iha buat balu halao ladun diak, Primeiru Ministru la remodela, sei bele iha problema oituan, depende tanba ida nee kazu pontual ida-idak nian,ida nee maka sai nia pontu importante.

Lideransa 74/75 nee komenta prosesu negosiasaun neebe lao  entre Fretilin,  PLP hanesan hotu hotu koalia mesmu ba nia hare naksalak.

Hau nia opiniaun konversasoes entre  Fretilin i PLP nee tuir lolos se mak devia lidera,Taur Matan Ruak iha sorin ida,Mari Alkatiri iha sorin seluk,hau nia hanoin sira nain rua maka tenke hasoru malu to remata,to hetan akordu ou lahetan akordu,tanba situasaun nee sensitivu,” Abilio informa.

Prezidente PLP Taur Matan Ruak maka lidera diak liu  nia laiha ambisaun atu ba tur iha PN ou iha governu, tanba nee bainhira nia ba, nia bele reprezenta Partidu diak liu  deskute ho Fretilin,mesmu ho partidu kiik maibe ba ho autoridade moral.

Ida nee maka ema barak vota i nune iha tempu ida nee Fretilin maka manan,sai nuudar partidu vensedor,entaun tenke koalia ho Fretilin atu haree modelu  plataforma intendimentu atu bele ukun,tanba rai nee presiza duni ukun ho governu ida ho programa diak,” tenik Abilio.

Emprejariu famozu nee relata nia laos negosiador, tanba nunka partisipa iha team negosiasaun entre Fretilin Ho PLP, maibe sempre buka tuir nia pasadu, partensia grupu sira nebe fundador rai nee ninian iha 74/75.

Abilio mos iha kampania foin lalais nee apoia Jeneral Taur Matan Ruak,  tanba  haree figura hanesan lider ida inspira konfiansa,lider ida koalia lia los, ba los mai los.

“Hau dehan hau apoia Taur Matan ruak sem pursentu,  hau hadomi nia hanesan hau nia alin ida neebe mai mos husi 74/75 bele halo mudansa diak iha  rai timor, maske nune hau nia haree ho rezultadu sira neebe sai, hau rona rasik ami rua Jeneral Taur Matan Ruak koalia ba malu, hau respeita no komprende ninia desizaun katak lakohi sai prezidente parlamentu i la hakarak tama ba governu,”  Abilio  mos  enkorajaTaur Matn Ruak atu hasoru Mari Alkatiri dala rua iha konversasoes, Alkatiri mos ba hasoru malu, nia  haree katak Timor nee presiza hotu-hotu liu-liu lider sira neebe povu respeita, hanesan sira neebe eis titulares orgaun soberania ida nee nian.

Haree buat lubuk ida  iha PLP seidauk define deside lolos, konaba opozisaun, maske dehan sai opozisaunkonstrutivu katak PLP mos kontra eleisoes antisipada,katak deputadu sira iha nebe laos atu hatun deit. Maibe sei fo korajem ba sira tinan lima nee ikus nian ona. Sira hotu neebe istoriku labele halimar demais ho destinu povu nian, liuliu jerasaun foun sira hotu-hotu tenke tur hamutuk resolve,  prepara ukun ba jerasaun  sira tuir mai iha 2022 , ajuda  rai nee ba oin.

Hau koalia ida nee tanba hau la deve ema ida. Hau nia patraun maka hau nia aan rasikneebe hau buka tuir nafatin lia menon beila sira no rai lulik sira fiar sira maka sei hein nafatin ita hamutuk ho jerasaun foun nee kaer nafatin rai nee lao ba oin,” Komposer  muzika foho ramelau neeiha esperansa katak ba governu nee , liu liu primeiru ministru ema ida ke aprende kaer ukun iha Timor , ohin ema ida maduru liu eh tasak.

Nia mos husu ba membru governu sira atu servisu ho dedika an didiak ,hanoin uluk bem estar povu, labele  hanoin  uluk sira nia aan rasik,tanba  kompara tur iha kargu governu nian hanesan ho profisaun Dotor, Padre I Professor, tamba profisaun nain tolu nee sei la husik sira nia ema iha tempu nebe ema presiza, tanba nee politiku sira mos tenke kaer servisu hanesan vokasaun ida.

Hau nia apelo mos ba lider istoriku sira nee hotu, tur hamutuk atu koalia ba malu tamba ita labele rekuja koalia ba malu ,hau maka atu lakoalia ba malu nee ohin hau la koalia ba ema ida, pois ohin hau koalia ho sira hotu tamba deit ita nia rain ,tamba ran sira nebe nakfakar tiha ona  iha ita nia rain nee, tamba nee ita tenki haraik ann,pasiensia simu malu, buat ruma ita koalia ba malu ,ba los mai los, hau kuandu la konkorda koalia kedas iha oin,” sublina Abilio Araujo.

Iha fatin ketak, Francisco Mausoro dehan hanesan Observador Politika iha vida politika, sai opozisaun ba malu nee hanesan natural, Kuaze mundu politika mundu moderna la sees husi Koligasaun no opozisaun, kestaun envolvementumentu partidu opozisaun iha Governu minoria nee hanesan apoiu individual tanba nee mak partidu rasik la envolvementu iha laran.

Entertantu Diretur Ezekutivu Assosiasaun Hak Manuel Monteirodehan iIndividu ida tenke hetan konvite husi partidu mais votadu, tanba Rezultadu husi eleisaun nee la hatudu maioria votadu.Povu lafo votus maioria ba partidu sira atu ukun mesak, atu asegura neebe mak Governu mai entaun presiza iha estratejia politika hodi bele garante governasaun ida nee dura too  rohan.

*STL