PN Planu Atu Regula Lei Ida, Bandu Ema Labele Namora Iha Jardin

Komisaun F-PN, Jose Agostihno da Silva hateten Parlamentu Nasional (PN) sei iha planu lei ida atu regula lei ba jardim sira no tasi ibun. Atu nunee joven sira labele livre namora malu iha fatin publiku sira hanesan nee.

Tenki iha regulamentu ka lei ruma hodi vigora ita nia atetudi. Klaru katak, ida nee sei tutela ba Komisaun F nomos governu oinsa para haree hamutuk asuntu nee. Sekarik produs lei ruma, iha prozetu da lei ida, para regulariza ita nia joven sira labele namora malu iha jardim, iha tasi ibun, nomos kos-kos, no fatin publiku sira,” hateten Jose Agostihno da Silva ba jornalista iha ninia knar fatin, Uma Fukun PN, Dili, Sesta (29/9/2017).

Nia haree, lei nee iha. Ejekuta nee govenru nian kompetensia, maibe iha tempu badak sira iha hanoin atu sujere ba ministeriu kompetente para bele tau atensaun. Nee diak liu hodi prevene duke kura.

Husi fatin lahanesan, Sekertariu Ezekutivu  Comisaun Nasional Combate HIV/SIDA Timor-Leste (CNCS-TL) Daniel Marcal esplika, problema neebe impaktu negativu ba futuru nasaun nian, ida maka HIV/SIDA.

Problema ida nee mosu tamba problema ransu livre,” nia dehan.

Durante sira halo sosializasaun HIV/SIDA ba munisipiu no suku sira, komunidade sira husu estadu, tenki iha regras ruma hodi atende iha fatin publiku sira.

Hanesan jardin no tasi ibun sira, ita espera, governu tenke tau rekgras iha fatin publiku hanesan jardin no  tasi ibun sira, labele livre namora malu iha fatin publiku sira hanesan nee,”dehan Daniel.

I nia parte hakarak fo hanoin ba governu, persiza halo intervensaun ida mais edukativu intensivu hodi prevene hahalok sira neebe risku ba HIV/SIDA.

Iha fatin ketak, Romaldo Neves (joven),  husu governu tenke tau regras ruma iha Jardim 5 de Maiu no Largo Lesidere, tanba nia haree fatin nee ema barak uza hodi livre namora malu.

“Liliu ita haree ita tempu kalan sira feto no tantu mane lori malu ba tuir iha fatin sira nee,hodi koalia too dader mos sira sei tur,nee fo impaktu boot ba ita,tanba tur loron depois balun halo relasaun seksual iha fatin sira,hahalok sira hanesan nee maka moras mos kontinua aumenta,” dehan Romaldo.

*STL