DÃli, 27 Outubru 2017; S.E. Primeiru-Ministru Dr. Marà Alkatiri, halo enkontru ho organizasaun Sociedade Civil iha Palácio do Governo.
Sociedade Civil hanesan parseria governu nian hakarak serbisu hamutuk para bele akomoda mós preokupasaun sosiedade tomak nian iha implementasaun programa governu nian iha dezenvolvimentu nasionál, dehan Primeiru-Ministru ba jornalis hafoin sorumutu.
Xefi Governu hatete tan katak organizasaun Sociedade Civil ne’ebé halo kontaktu diretu ba povu iha ida-ida ninia espesialidade, importante tebes para bele hetan kooperasaun di’ak liu tan ho governu. Asosiasaun ne’e governu nakloke para atu simu opinioens, sujestaun no proposta hodi serbisu hamutuk di’ak liutan.
Sosiedade Civil mós deklara ba Primeiru-Ministru katak programa VII Governu ne’ebé foin lalais Bloku Aliansa Maioria Parlamentar rejeita iha Parlamentu Nasionál ne’e programa di’ak tebes no sira mós hatete katak atu partisipa iha impelmentasaun programa refere.
No comments:
Post a Comment