PR Lú Olo Husu F-FDTL Mantein Seguransa

Prezidente da Repúblika, Francisco Guterres Lú Olo husu ba instituisaun FALINTIL-FDTL ho governu atu mantein seguransa iha rai laran hodi kria pas no estabilidade iha povu nia let.

Mensajen ne’e xefe do estadu hato’o liuhosi, ministru defeza e seguransa Agostinho Sequeira Somoxto no Komandu F FDTL,  Major Jenerál, Lere Anan Timur iha Palásiu prezidensiál Bairru Pite Dili, Kuarta ohin.

“ohin ha’u mai hato’o pontu situasaun seguransa no Prezidente husu mantein seguransa,” Somoxto informa ba jornalista sira, ohin.

Ministru ne’e realsa, situasaun seguransa too ohin kontinua estavel, maski mosu krime balun hanesan rama Ambon no tuda malu entre joven iha kapitál Dili.

Iha fatin hanesan, Komandante F FDTL, Major Jenerál Lere Anan Timur reforsa, enkontru ne’e alende atu diskute situasaun seguransa, maibé hato’o mós kona-bá funsionamentu instituisaun F FDTL.

“Ami ko’alia konaba situasaun polítika iha rai laran tanba ami preokupa ho situasaun atuál,” Lere konklui.

*tatoli.tl