Relasiona ho desizaun hosi
Parlamentu Nasional hodi hola kareta lelaun kareta Prado, no to ikus
estudante universitariu sira halo asaun pasifiku iha fulan ida liu, iha
Museum Rezistensia nia oin, hodi ezizi ba Membru Parlamentu III
Legistlatura tanba lelaun kareta ho folin ne’ebe rasoavel.
Ohin loron iha Membru Parlamentu IV kontinua aprova hodi hola kareta foun, atu bele apoiu sira nia fiskalizasaun.
Ho situasaun ida ne’e Movimentu
Universitariu Sachal (MUS) liu hosi komunikadu imprensa hatoo katak,
povu laiha fiar ona membru Parlamentu Nasional, povu toman ona ho lia
fuan bosok sira ne’ebe mak membru Parlamentu halo.
Movimentu ne’e afirma katak, membru Parlamentu preokupa deit oinsa sai deputadu sira hetan prado luxu no pensaun vitalisia.
Liu hosi komunikadu Imprensa, Movimentu
Universitariu halo kronologia katak iha 21/08, halo manifestasaun
Pasifiku hosi Movimentu Universitariu Timor Leste, hodi hein desijaun
hosi membru Parlamentu Nasional III lezislatura no ikus hamosu asaun
fizika husi PNTL ho Manifestante sira, no PNTL kaptura Manifestante 13.
Iha 22/08 manifestasaun Pasifiku
kontinua ho Asaun Firme, iha loron ne’e duni, Deputadu sira hosi Bankada
Partidu CNRT halo komunikadu da imprensa no entrega Deklarasaun
Kanselamentu ba porta voz Movimentu Universitariu Timor Leste no prontu
intrega fila fali kareta prado hamutuk 30.
Maske nune’e, Demonstrasaun ho Asaun
Firme kontinua nafatin iha loron Quarta-Feira, 23 Fulan AgustoTinan 2017
tanba seidauk simu deklarasaun kanselamentu prado hosi Bankada Partidu
seluk hanesan FRETILIN hamutuk 25, PD hamutuk walu no FRENTI MUDANSA
hamutuk rua,
Tamba ne’e asaun pasifiku kontinua to’o
loron 24/08 ikus rezulta desizaun ikus ba intrega kareta prado husi
Bankada Partidu FRETILIN ho kareta prado 25, PD kareta prado walu no
FRENTI MUDANSA ho prado rua. Maibe membru Parlamentu viola fila fali.
Liu hosi komunikadu imprensa, iha loron
6/10, Movimentu Universitariu Shacal konsidera ne’e desobidensia ba
desizaun publiku no kontra vontade povu tomak nian, no esklarese katak,
atetudi eis-membru depuatdu III lejislatura kontra prinsipiu no vontade
luta ba libertasaun povu maubere,ne’ebé konsagra ona iha Konstituisaun
RDTL, Artigu 6 konaba objetivu Estadu nian.
Atetudi eis-membru parlamentu III lejislatura kontra mos, Kodigu Penal Artigu 192 konaba atetudi uju pekulatu,
tamba individu eis-membru parlamentu III lejislatura utiliza sala
patrimoniu estadu nian no atetudi ne’e mos konsidera krimi publiku
ne’ebé maka eis-membru deputadu sira halo hasoru povu Timor Leste, tamba
viola ona desijaun popular no habosok povu Timor Leste tomak, atetudi
ne’ebé mak individu eis-membru deputadu sira halo ne’e mos konsideradu
des obidensia ba desijaun popular ne’ebé mak konsagra mos iha kodiku penal artigu 244 kondiera flagrante delitu husi membru parlamentu halo altura dia 22-24 de agustu atravez komunikadu imprensa.
Movimentu Universitariu Sachal ezizi no
komunidade Suco Com, Postu Lautem, Munisipiu Lautem husu ba Ministeriu
Publiku no Tribunal atu halo mandatu kapturasaun ba PNTL hodi sita no
kaptura des obidensia desijaun popular ne’ebé mak eis-Membru Parlamentu
III Lejislatura halo ona.
Husu mos atu submete individu ne’ebé
ilegalmente utiliza Patrimoniu Estadu sein koinesementu, ba iha prosesu
normal tuir Lei haruka no intrega fila fali patrimonio povu nian ba rai
iha nia fatin.
“Se Ministeriu Publiku no Tribunal la hatun mandatu kapturasaun mak ami prontu halo manifestasaun iha tempu badak ne’ebe mak laos deit Universitariu maibe sei organiza povu tomak tun halo manifestasaun”, esplika iha komunikadu imprensa.Movimentu Universitariu mos hatoo katak lia los nunka mais lakon, lia los nunka mate, lia los sempre moris.
*tafara.tl
No comments:
Post a Comment