Tuir Vice Prezidente CCI-TL, Rui Castro
katak, setor privadu rai laran halo hela esforsu ida liu husi hakiak
animal hanesan fahi, Karau, no Manu. Investimentu nee ho objetivu atu
redus importasaun naan mai husi rai liur.
Tanba liga ba konsumedores iha TL maioria
depende liu ba eksportasaun husi rai liur. Tanba nee, setor privadu
hahu estabelese programa hakiak animal hodi hasae produsaun iha rai
laran.
Ita haree naan sira neebe importa mai husi rai liur nee, kuaze han tempu barak maka foin too iha TL, dala ruma too iha TL naan nee kontamina tiha ona ho kimika, maibe ita la hatene sosa deit hodi konsume, ikus mai hamosu mal nutrisaun. Tanba nee setor privadu hola iniasiativa ida nee, hodi hakiak animal atu nunee bele redus importasaun naan husi rai liur,” informa Rui Castro ba Jornalista Kuarta (20/09/2017) iha Hotel Arbiru Pantai Kelapa Dili.
Nia mos informa liu tan katak, naan sira
neebe importa mai husi rai liur nee, dala ruma fulan barak nia laran
maka foin too iha TL. Tanba nee too ona tempu komunidade sira atu han
naan neebe segar ou fresku, la presiza tan naan importasaun.
Iha parte seluk, Prezidente Camara
Comersiu Industria TL, CCI-TL, Oscar Lima hateten, uluk setor privadu
sira halai hotu ba projetu konstrusaun iha rai laran, maibe agora nee
iha barak maka hahu investe iha setor pekuaria hanesan, hakiak animal.
Hatan ba kestaun nee, Ministru Agrikultura e Peskas Estanislau Aleixo da Silva hateten, governu liu husi MAP nafatin fo apoiu ba setor privadu rai laran sira, atu nunee bele dezenvolve setor pekuaria nee ho diak, liu husi hakiak animal.Hau hanoin inisiativa neebe setor privadu sira foti nee diak tebes, atu nunee bele redus importasaun naan husi rai liur, tanba naan importasaun sira nee lori moras barak, labarik sira idade sei kiik nee mos kona moras tensaun ona, problema nee mosu tanba konsume aihan importasaun neebe domina ho bahan kimika,”informa nia.
*STL
No comments:
Post a Comment