Ro Haksolok Standar Internasional

Iha tenpu badak Ro Haksolok sei halao operasaun iha Timor Leste hodi fasilita povu Oecusse no mos ba iha rai seluk tanba tuir standar internasional. 
 

Tuir Atual Prezidenti RAEOA Arsenio Bano, Ro Haksolok oras nee dadaun sei iha Portugal nuudar Ro Timor nian neebe mak parte husi dezenvolvementu iha ZEEMS nian. Relasiona ho Progresu Ro Haksolok lao diak hela no kuandu buat hot-hotu los ona sei too iha Timor.

Antes atu substitui Primeiru Ministru atual, Primeiru Ministru mos rekruta pilotu Timor oan nain rua no halo ona kontratu atu fo treinu ba ema hirak neebe mak sei serbisu iha Ro Haksolok atu hatene lalaok manutensaun no sustentabilidade operasaun ho diak.

Preparasaun ba termu referensia sira nee halao hela, tamba Primeiru Ministru atual nee husu kondisaun ba kualidade ba standar tenki iha hotu bele kumpri regras internasional ninian,” dehan Bano ba STL wainhira partisipa iha enkontru internal Partidu Fretilin neebe realiza iha Sede CCF Komoro Dili, Sabadu (23/09/2017).

Maske nunee, presiza hare mos kondisaun balun neebe mak iha rai laran tanba iha balun seidauk iha, presija neneik hanesan termus referensia no preparativus nee halo hotu.

Sekretariu RAEOA Asuntu Edukasaun no Solidariedade Social salienta, Portu Oecusse presiza kondisoens, nee kuaze hanesan ho Dili no Atauro. Nunee Ro Haksolok rasik sei hahu halo opersaun husi Oecuse, Dili no Atauro espera.

Nia espera katak governu foun bele halo diak mos Portu Baucau maibe konfrome ba governu foun nia programa. No, iha futuru atu loke tan iha portu iha fatin seluk fila fali ba Primeiru Ministru.

Antes nee, Atual Primeiru Ministru Mari Alkatiri hateten oras nee dadaun iha Ro Haksolok neebe atu mai fasilita operasaun maritima ba Oecuse no mos nasaun seluk.

 Ro agora atu mai, liga ba Oecuse no ba rai boot, Oecuse ba fatin indonesia sira, nee laos dezenvolvementu entaun saida?”dehan PM.

Eis Prezidenti RAEOA esplika denzenvolvimentu nee tenke komunika no iha konektividade ba malu, se la iha asesibilidade uainhira Oecusse Nakroman aat tanis iha Dili agora laos nunee ona.

Nia hatutan, kuandu Ro Haksolok kuandu too ona iha Timor no prontu tula pasajeiru no sasan ba mai husi Oecusse-Dili ho horas haat deit. No Ro nee rasik iha kondisaun neebe mak diak atu nunee pasazeirus halo viazen ho hakmatek.

Nia mos reforsa liu tan katak Ro Haksolok rasik iha sala ezekutiva ida neebe naton ba ema nain tolu nulu, kamarote sanulu hanesan toba fatin, salaun luan boot naton ba ema nain 300, no bele tula kareta kiik 22.

*STL