PR-Luo-Olo Nomeia Domingos Saramento ho Tome Geronimo KSDP

Prezidenti Republika (PR) Francisco Guterres Lu-Olo  nomeia ona Domingos  Sarmento ho Tomé Geronimo Xavier hodi kaer kna’ar nudar membru Konsellu Superior Defensor Publik (KSDP) atu nune’e bele defende sidadaun kbi’it laek  sira bainhira hetan kazu ruma  iha Tribunal.

Antes ne’e Domingos Sarmento assume ona kargu hanesan Ministru Justisa iha I Governu konstitusional. Tanba ne’e nia hatete, iha tempu besik sei ba halo parte diak ho membru konselu superior defensor publik para buka atu hadia hodi fo asistensia ba sidadun  ne’ebe forsa laiha hodi selu advogadu sira.

“Ne’e mak deste primeiru governu konstituisional  uluk kedas  hau duni iha momentu ne’eba, asumi  ministru justisa no ohin loron defensor publik dezenvolve ona agora hau ba intrega iha ne’eba para oinsa mak hadia  defesor para bele presta asistensia legal ba kazu kriminal ka kazu sivil mos liliu ba ema kbi’it laek,” dehan  Domingos ba Jornalista sira hafoin remata sorumutu ho PR Lu-Olo iha Palasiu Prezidensial, Aitarak Laran, Bairu-Pite Dili Sexta (22/09/2017).

 Tuir planu tomada de posse ba membru KSDP rua (2) ne’e depende ba PR Lu-Olo iha tempu badak nia laran.

*thetimor-news.com