PNTL kaptura ona Domingos Caeiro

Polisia Nacional Timor leste (PNTL) kaptura ona Eis Sekretario Estado Obras Públika (SEOP) Domingos Caeiro, Segunda-feira (25/09/2017) hodi kumpri pena prizaun tinan 3 fulan 6.

Eis membru governu ne’e tama kadeia relasiona ho projetu konstruksaun estrada iha Munisipiu Bobonaro ne’ebe deskonfia mosu iregularidade, durante nia mandatu.

Polisia kaptura kondenadu iha nia uma, Aimutin-Dili iha oras tuku 14:30  Otl ho kareta privadu hodi submete kedan iha bloku alternativa iha prizaun Bekora.

Diretor prizaun Becora João Domingos hatete, iha tuku 14:20 Otl ne’e sira simu ona kondenadu Domingos ne’ebe akompanha husi polísia inklui ofisial justisa tribunal nian hodi direta intrega kondenadu Domingos ba prizaun Becora.

“Agora kondenadu iha hela fase registu depois ita lori ona ba prizaun laran, no serteza nia mos sei hamutuk ho dadaur sira seluk no ita halo tratamentu hanesan la haree ba nia se, kuandu mai ona iha prizaun hotu-hotu hanesan,” dehan João Domingos, ba jornalista sira iha prizaun Becora, Segunda (25/09).

Eis Sekretario Estado Obras Públika Domingos Caero tama prizaun  tinan tolu fulan neen  ba krime administrasaun danoza, previstu iha artigu 274 kodigu prosesu penal. Arguidu mos  selu kustu judisial ba tribunal  ho montante U$ 200.000.

*gmntv.tl