“Se siklu orsamentu akontese duni,
parlamentu tenke reve ninian rejimentu tamba ita sei tama perÃodu resesu
iha 15 jullu to’o 15 setembru”, tenik Prezidente PN, Aniceto Guterres
iha plenária uma fukun semana ne’e.
Aniceto ko’alia kestaun ne’e bainhira
hatan ba perguntas husi deputadu Natalino dos Santos husi bankada
Kongresu Nasionál Rekonstrusaun Timor (CNRT-sigla portugés) ne’ebé
kestiona no husu objetivu saida tenke forma komisaun permanente.
“Komisaun permanente atu responde ba
situasaun extraordinária ruma ka iha tempu resesu ruma bele halo servisu
iha parlamentu”, katak.
Nune’e Aniceto afirma konkorda no fiksa
ona agora, bainhira to’o ona tempu ne’ebé presiza komisaun permanente
ida funsiona, bankada ida-idak indika ninia deputadu tuir númeru ne’ebé
kompoin ona komisaun permanente funsiona.
Akresenta tan, klaru resesu seidauk
maibé iha informasaun katak governu agora no governu foun mai iha hanoin
atu muda siklu orsamentu nian.
Hodi informa tan, bai-bain to’o agora
tinan fiskál husi 1 janeiru to’o 31 dezembru, maibé agora iha hanoin atu
muda husi 1 juñu to’o 30 jullu tinan oin siklu foun ida atu komesa.
“Bainhira governu foun mosu, sira sei
lori orsamentu retifikativu hamutuk ho orsamentu transmisaun ida ba
parlamentu komesa husi 1 janeiru 2018 to’o 30 jullu”, hatutan.
Eis xefe bankada FRETILIN ne’e dehan,
orsamentu jerál estadu (OJE) komesa 1 juñu, klaru tenke hetan aprovasaun
antes, nune’e 30 jullu orsamentu tenke aprovadu.
Nia fó hanoin segunda semana oin, ho
asina reuniaun plenária sei halo deliberasaun ida atu forma komisaun
eventuál ba revizaun rejimentu ninian.
Antes ne’e, Primeiru Ministru, Rui Maria
de Araújo hateten ekipa téknika finaliza ona estudu kona-ba polÃtika
atu muda kalendáriu foun ba ezekusaun OJE 2018 iha governu da-hitu.
*tatoli.tl
No comments:
Post a Comment