Nomeasaun Xefi Estado Maior F-FDTL la´os segredu

Ministru Defeza Seguransa (MDS) José Agustinho   Sequeira  `Somotxo`hateten, nomeasaun  kargu Xefi Estadu Maior FALINTIL Forza Defeza Timor-Leste (F-FDTL) la´os segredu nasional.

“La´os segredu, maibe ami sei desidi lai, ha´u foin tama mai kaer kedas servisu ida ne´e, imi komunikasaun sosial, soseidade politiku sira mós komprende,“ afirma Ministru Defeza Seguransa (MDS) José Agustinho   Sequeira  `Somotxo` ba jornalista semana kotuk ne’e hodi hatan jornalista konaba  kargu Xefi Estadu Maior F-FDTL Major Jeneral Lere  nian ne´ebé mak tuir planu sei remata  iha loron 6 fulan Otobro tinan ne´e.

Kona-ba kargu Xefi Estadu Maior F-FDTL  Lere Anan Timur nian ne´e,  wainhira nia asumi kargu hanesan  Ministru Defeza Seguransa, iha VII Governu, sei haree ba asuntu refere.

“Hanesan foin tama mai  problema oi-oin,   hanesan ameasa mós oi-oin  ne´ebé hanesan fahe tempu  ne´e, mesmu ha´u fahe tempu maibe hanesan periodades  sira nia leten,“dehan Somotxo.

Antes ne´e Organizasaun Não Govermentais (ONG),  Fundasaun Mahein (FM), fó sai nia relatori  hodi dehan,  mandatu Xefi  Estadu Maior F-FDTL Major Jeneral, Lere Anan Timur  no Vice Xefi Estadu Maior, Brigadeiro Jeneral, Filomeno Paixãosei remata  iha  loron 6 fulan Outobru tinan  ne´e.

“Tuir dekretu Prezidente  Repúblika numeru 21/2016  ba kargu Xefi Estadu Maior Major Lere Anan ne´ebé rekonduz  tan kargu ida ne´e  ba tinan rua,  dekretu ne´e sai  iha 2016 no nia efeitu sura  husi  loron 6 de Outobru de 2015, signifika katak, to´o dia 6 de Outobru 2017, mandatu  forza Xefi  Estadu Maior  nian  remata  ona,  nune´e mós Vice Xefi Estadu maior  Brigadeiro Jenerak Filomeno Paixão,“dehan adjuntu diretur FM, João Almeida, liu husi konfrensia imprensa.

*gmntv.tl