ME Foun Buka Rezolve Problema

Ministeriu Edukasaun (ME), foun mai buka oinsa atu bele rezolve lalai problema Edukasaun iha Eskola Primaria no Sekundariu iha teritoriu Timor laran tomak.

Hau husu ba Ministeriu Edukasaun foun mai atu hare programa no mos professor sira durantetinan naruk nian laran ejiji hela sira nia direitu, needuni husu atu rezolve,” Katak Domingos Magno nuudar Koordenador EBF 04 Kuluhun ba STL, iha Kuluhun, Dili, Kuarta Feira (20/09/2017).

Nian hatutan tan katak preokupasaun neebe maka iha Eskola  dala barak hatoo tiha ona proposta ba iha parte edukasaun bele mai hare rasik, iha sira nian Eskola laiha moru, no sira hatoo ona proposta ba leten ona ba leten atu mai hadia neebe sira hein deit.

Nian hateten bainhira hanorin labarik ho diak persija Eskola  neebe maka seguru, kuandu hanorin labarik sira lao diak entau iha fatin neebe maka seguru atu nunee bele hanorin labarik sira mos ho diak, kuandu fatin neebe maka izoladu hela no livre hela, animal lao ba mai iha Eskola laran nee fo impaktu ladiak ba estudante no alunus sira,” katak Domingos.

Iha sorin seluk Diretor 12 Novembru, Aniceto Pedro Da Costa hatete katak maske governu maka troka malu maibe programaba edukasaun nee nafatin deit tanba nee husu ba governo foun liu-liu ministeriu edukasaun bele tau atensaun ba problema neebe maka Eskola sira hasoru hanesan pagamentu retorial.

Hau hanoin iha Governu no Ministru bele troka malu, maibe programa nee nafatin deit tanba nee planu nee ministeriu nian tanba nee maka ita bele kontinuasaun ba programa neebe maka iha, liu-liu ba problema neebe maka kona iha estudante no profesores sira nian,” nia hatete.

Nian akrezenta liu tan katak sira senti selu la justu tanba kuantidade osanmentu neebe sira kalkula lahanesan montante neebe maka sira simu.

Ami dehan selu lajustu tanba kuantidade osamentu retorativu neebe maka ami kalkula lahanesan montante neebe maka sira selu baami tanba nee maka ida nee maka ami preokupasaun tebes liu-liu iha rekursu humanu iha ministeriu edukasaun hodi nunee bele kompleta iha tempu badak nia laran hodi bele rezolve sira,” nia hatete.

Hakarak iha kualidade edukasaun nee aas entau tenki hare mos nesesidade neebe maka Eskola sira idak-idak infrenta, liu-liu nesesidade professor sira, fasilidade, kurikulum, ho formasaun professional, sira nee importante.

*STL