Relasiona ho ida ne’e, PD hamrik firme iha pozisaun hodi apoiú tomak Maun Boot Kay Rala Xanana Gusmão, aktuál Ministru Planiamentu no Investimentu Estratéjiku hodi halo negósiasaun, tanba uluk kedan PD defende ba Xanana Gusmão, maibé PD husu atu kazu fronteira Maritíma la bele uza ba intreses partidu ida nian.
Entertantu horseik iha Becora, Mariano Sabino ho nia estruktura Konsellu Polítika nasionál sira simu juventude mate restu 12 Novembru no juventude ne’ebé hanaran án estudante demokrátiku no brigada demokrátiku hodi sai militante ba PD atu ajuda susesu iha elisaun lejislativu ne’ebé sei mai.
Apoiantes sira ne’e iha momentu hanesan simu kedan toma da pose hosi estruktura nasionál hodi jura hamutuk ho PD prontu servi ba nasaun Repúblika Demokrátiku Timor-Leste (RDTL)
Assanami esplika, juramentu ne’ebé halo iha signifgikadu rua, ida mak jura ba Maromak no rai luluik ho funu nain sira atu fó beran hodi tututan funu nain nia mehi ba libertasaun povu Timor-Leste nian.
Signifikadu seluk mak jura katak, “ba o Timor, ha’u prontu atu servi” tuir prinsípiu hun ida abut ida rai Timor ida de’it.
Assanami husu atu apoaiantes sira tenki responsabilidade ba juramentu ne’ebé sira halo ona ba PD atu servi povu hodi garante katak Timor-Leste nia dezenvolvimentu tenki fahe hanesan, la bele iha grupo ida de’it mak sente benifisia ba dezenvolvimentu.
“Ukun ne’e povu nian, riku soin povu nian, firme ba hodi hamutuk ho povu no hamutuk ho PD atu hatutan no haklaken mehi erói sira nian,” Assanami fó hanoin.
Hodi tutan katak, PD firme ho idiologi tolu, ida mak Nasionalista, Demokrátiku, no relijaun.
Tanba ne’e, bainhira PD ka’er ukun prioridade mak kria kampu traballu atu ema hotu iha direitu ba moris di’ak.
PD nia ukun sei la hamosu diskriminasaun hanesan ukun ne’ebé mak liu ona durante ne’e.
Fó mós prioeidade ba problema sosiál, saúde, edukasaun. Maibé atu atinji ida ne’e estruktura tenki badinas buka ema atu vota iha loron elisaun hodi PD bele ka’er ukun.
*tatoli.tl
No comments:
Post a Comment