Partidu Fretilin no Partidu Demokratiu
hasoru malu ho Prezidente da Republika hodi aprezenta dokumentus
koligasaun formasaun governu no lista kandidatu ba Premeiru Ministru.
Prezidente Republika husu iha semana ne’e nia laran tenke iha ona tomada
de posse.
Hafoin remata enkontru ho Prezidente Republika, Dr. Francisco Guterres Lú Olo,
Sekretariu Jeral Fretili, Dr. Mari Alkatiri hatan ba perguntas hosi
TAFARA.TL kona ba asina akordu koligasaun entre PD ho Fretilin no KHUNTO
la marka prezensa.
Dr. Mari Alkatiri
esplika katak, PD ho Fretilin konkluidu ona laos final, maibe la iha fim
tanba sei kontinua nafatin ba oin to tinan 2022, no publiku sei asesu
dokumentus koligasaun ne’ebe asina hamutuk ona.
Perguntas mai hosi jornalista RTTL kona
ba KHUNTO la marka prezensa karik bele fo impaktu iha parlamentu ba
governasaun tanba kadeira [votus.red] koligasaun la to’o?
Alkatiri mos esplika katak iha parlamentu deputadu sira ba vota bele garante estabilidade.
“Koligasaun ka la koligasaun, uluk kedas
ami defende inkluzaun no insidensia parlamentar. Portantu laiha
koligasaun, kontinua ho insidensia parlamentar no inkluzaun. KHUNTO
telefone mai, maibe ami hakarak sira resolve uluk sira nia problema uma
laran antes atu mai. Iha dukomentu koligasuan Khunto nia naran laiha
ona”, esplika Dr. Mari Alkatiri.
Hosi esplikasaun Sekretariu Jeral
Fretilin, kona ba desizaun hosi Prezidente Republika relasiona ho
enkontru kona ba formasaun governu. Alkatiri hateten katak desizaun hosi
Prezidente da Republika hakarak hatene se mak partidu hili atu sai
Premeiru Ministru, no Prezidente da Republika mak sei nomeia Premeiru
Ministru, no Premeiru Ministru mak atu halo negosiasaun hodi forma
governu. Esforsu komesa halao ona no tuir planu iha loron 15 Septembru
sei halo tomada de posse.
Iha tempu hanesan, Prezidente PD, Mariano Asanami Sabino
mos esplika ba jornalista sira katak pozisaun parte PD nian firmi
nafatin hodi viabiliza, apoiu estadu nafatin la ho kondisaun, katak ba o
Timor, ami prontu atu serbi.
*tafara.tl
No comments:
Post a Comment