Arao: Tuir Los Laiha Ona Fatin Ba Insidensia Parlamentar

Oras nee VII governu forma husi Partidu Fretilin no PD, maibe atu iha tan insidensia parlamentar, tuir los labele ona, tanba akordu koligasaun forma ona governu.

Informa Xefi Bankada CNRT Arao Noe katak, sira bankada CNRT nia pozisaun nee mai reprezenta partidu, tanba nee sira mai lahalo politika ida-idak nian. Tanba politika halao bazeia ba komferensia katak halo knar hanesan opozisaun.

"Se karik Fretilin husu CNRT atu iha insidensia parlamentar Arao hatete, hau hanoin insidensia parlamentar tuir los laiha ona fatin, tanba iha ona akordu partidu 2 halo koligasaun forma governu. Insidensial nee akontese kuandu governu nee forma minoriataria, depois husu partidu ida ka rua halao akordu katak apoiu hau nia programa,” katak Arao ba STL Tersa (19/09/2017) iha PN.

Nia hatete, maibe haree ba agora nee iha ona partidu Fretilin ho PD asina akordu halo ona neebe governu mos iha ona, nee bele garante ona governativa ba tinan 5. Presiza kalae, depende negosiasaun entre lider partidu sira, maibe CNRT nia poziosaun desde komferensia mak opozisaun.

Entretantu Xefi bankada PLP fidelis Mangalhaes hatete, kona ba insidensia parlamentar nee laiha ona, tanba partidu Fretilin hanesan partidu manan maioria simples, nia lider mak tenke halo prosesu hotu para asegura katak hetan apoiu iha PN.

Xefi Bankada Fretilin Francisco Branco hatete, haree ba formasaun governu husi Fretilin no PD, presiza tan iha insidensia parlamentar, tanba desde uluk tau hela iha ajenda tenke komesa abitua katak partidu neebe hetan fiar maske hetan maioria simples, bele avansa ho formasaun governu minoritariu.

*STL