“Lider 75 nain rua ne’e Mari
Alkatiri no Jose Ramos Horta servisu iha Frente Externa no tane a’as
Timor Leste nia naran, povu tomak no funu nain sira hotu, servisu frente
externa mak halakon ita nia izolamentu”, Lú Olo.
Timor-Leste komemora loron proklamsaun
independensia ba dala 42, iha tinan ida ne’e governu komemora hamutuk
komunidade sira iha Municipio Cova lima. Povu tomak hatene katak
Covalima mos sai nudar istoria ne’ebe hakanek komunidade sira nia fuan
iha tinan 1999, ne’ebe konnesidu ho naran Septembru negra.
Prezidente da Republika, Dr. Francisco Guterres Lú Olo
hatoo nia diskursu iha isar bandeira iha muncipio refere, loron 28/11
ba partisipantes tomak hateten katak hakruk ba ema hotu ne’ebe mak
sakrifika an ba rai ida ne’e, balu fo isin no mate ba Rai ida ne’e
“Iha loron espesial ida ne’e hau halibur iha hau nia ne’on, maun bin alin sira hotu hela iha rai laran no rai liur, hau hakruk ba memoria a’aswain no martir sira 1975 niqn. Hau hakruk mos ba maluk hotu ne’ebe sakrifika’an , fo a’an ba mate ka terus durante ita nia luta durante tinan 24, hau hakruk mos ba memoria saudozu Nicolau Lobato, Fransisco Savier do Amaral, Nino Konis Santana no diresaun luta tomak. Hau saude lider 75 sira hotu ninia karakter no folin boot no esperitu tuba rai metin, inkui hau nia irmaun doben Rui, Mari Alkatiri no Jose Ramos Horta,” dehan Lu-olo.
Presidente RDTL ne’e mos rekoñese lider hirak ne’ebe mak servisu iha frente diaspora hodi luta ba ukun a’an ida ne’e.
@tafara.tl“Hatuir orientasaun saudozu Nicilau Lobato no ikus mai hau nia irmaun doben Kayrala Xanana Gusmão, lider 75 nain rua ne’e Mari Alkatiri no Jose Ramos Horta servisu iha Frente Externa no tane a’as Timor Leste nia naran, povu tomak no funu nain sira hotu, servisu frente externa mak halakon ita nia izolamentu durante ita nia luta ba ukun rasik an”, katak Xefe Estadu.
No comments:
Post a Comment