Lú Olo garante VII Governu sei la monu ”OR la aprova kulpa Deputadu 35” - ITL | BUAT HOTU KONA BA TIMOR-LESTE

ATUALIDADE

Post Top Ad

Lú Olo garante VII Governu sei la monu ”OR la aprova kulpa Deputadu 35”

Prezidente Repúblika (PR), Francisco Guterres Lú Olo, garante VII Governu sei la monu arbiru, tanba tenke tuir nia dalan Konstitusional.

“Ita presiza tenke tuir dalan lei ninian no konstituisaun ninan. Governu ne’e bele monu ho nune’e Governu  ida bele sa’e fali tuir Konstituisaun ida ne’e ita haree komplikadu tanba Governu ida atu monu liu husi prosesu ida baze legal,” hateten Xefi Estadu wainhira konvoka reuniaun ho funsionariu públiku sira iha salaun administrasaun Munisipiu Covalima, Segunda (27/11/2017).

Lú Olo hateten, VII Governu monu arbru  deit mos ladun diak no Governu seluk atu ukun fali Governu ne’e mos tenke tuir dalan konstituisaun ninian, se Governu mai la tuir dalan konstituisaun ninian ida ne’e la diak.

“Dala ruma ita labele garante establidade Governativa bele iha hotu kestaun mak ida ne’e deit, hau mos hatete bei-beik ba deputadu sira wainhira halo abertura tenke hamutuk  lori Governu ba oin,” hateten Lu-Olo.

Nia hatutan, agora oinsa mak presidente nia solusaun ikus tuir dalan konstituisaun dialogo mos bele  laos dehan labele ne’e la’e tanba konvoka dialogo dala barak ona ho lider sira hotu

“Hau promove dialogo lider sira inklui Xanana Gusmão maibe serviu barak nia labele partisipa iha dialogu. Ha’u  hatene saida mak Xanana Gusmão iha oinsa mak bele garante establidade Governativa,” informa Lú Olo.

Nia mensiona mos katak, solusaun ne’ebe Prezidente Republika atu hola dalan iha Konstituisaun nia leten, katak  se dialogo labele maka  Prezidenti tenke hola desizaun maibe povu hotu  tenke hakmatek nafatin problema ida ne’e sei iha solusaun.

Husi sorin seluk, Primeiru Ministru Mari Alkatiri informa,  Orsamentu Ratifikativu (OR) la liu iha Parlamentu Nasional  laos kulpa Governu nian, maibe kulpa husi deputadu nain 35 husi oposizaun.

“deputadu 35 mak halo boikotA iha Parlamentu Nasional tanba ne’e mak OR la liu, ne’e  laos kulpa husi Governu maibe kulpa oposizaun nian,” hateten PM Mari Alkatiri ba jornalista  sira haf oin hala’o reniaun ho funsionario Publiku iha salasaun Administrasaun Munisipiu Covalima.
Saida maka Oposizaun Maioria Parlamentar halo turi Xefi Governu katak, nee maka hahu ona krizi institusional, tanba komisaun sira iha PN la funsiona.

“ Debate deit mos sira lakohi hahu provoka krizi institusional, krizi institusional ne’e saida, instituisaun sira orgaun sira nee maka lafunsiona, la bele foti desizaun, laos hanesan krizi 2006 atu fahe fali rai ba loro sa’e no loro monu, tasi feto tasi mane ne’e la iha ida, signifika PN lafunsiona ona,” Xefi Governu hateten.

Nia haktuir, Prezidente Republika Francisco Guterres Lu Olo maka sei foti desizaun ikus, tanba ne’e se maka halo krizi sira agora maka 35 deputadu sira, ne’ebe simu orden husi sira nia lideransa.

Governu buka dadauk solusaun ba situasaun ida nee, maske  kontaktus internasional para atu buka solusaun hodi minimize, atu labele impaktu ekonomiku boot demais ba povu.

“Ha’u bele hatan ne’e oituan, osan para gasta ba deit eleisaun ne’e oituan laiha problema, problema boot liu maka atu selu funsionariu publiku sira,” hateten PM Mari Alkatiri.

Xefi Governu enkoraza povu atu lalika laran taridu, se Prezidente deside aban bainrua ba eleisaun antisipada, Governu preparadu  atu organiza.

Iha biban ne’e mos Xefi Governu hateten, Salariu to deit Dezembru nee mos lalos, tanba sei iha dua desimu, neebe sei bele aguenta tan fulan rua ka  haat.

“ Aguenta tok ita hodi hare Prezidente Republika, foti desizaun ikus ida neebe ,” dehan Xefi Governu.

Tuir Xefi Governu katak,  povu matenek liu fali lideransa sira, tanba povu komprende situasaun, no povu labuka kadeira, povu hakarak dezenvolvimentu lao ba oin, lideransa sira maka hakarak hadau kadeira.

Iha fatin hanesan Prezidente Tribunal Rekursu Deolindo hateten, kestaun politika neebe maka Prezidente Republika koalia, Primeiru Ministru koalia no Prizidente Parlamentu Nasional koalia nee iha nia fatin, importante maka nee hato ba maluk sira katak, desde enisiu hau foti desizaun anusiu ba iha rejultadu eleisaun nee kabe ba iha kompetensia politika sira nian.

Deolindo dos Santos  hateten nudar prezidenti Tribunal Rekursu iha devere atu marka prezensa iha ajenda Prezidente Republika ninian no kestaun politika ne’e komptensias  Prezidente  Republika, Primeiru Ministru ho Prezidente Parlamentu  Nasional.

“Situasaun agora ne’ebe kabe kompetensia politiku sira nian, I agora dadun ne’e ema hotu hatene , governu iha diskusaun ,parlamentu iha diskusaun, husik hela ba lideransa masimu iha paiz ida ne’e atu foti desijaun,” hateten Diolindo dos Santos.

@gmntv.tl

No comments:

Post a Comment