Lere: Laiha Polítiku Intervein Desizaun PR - ITL | BUAT HOTU KONA BA TIMOR-LESTE

ATUALIDADE

Post Top Ad

Lere: Laiha Polítiku Intervein Desizaun PR

Xefe Estadu Maiór FALINTIL-Forsa Defeza Timor Leste (F-FDTL), Majór Jenerál Lere Anan Timur hateten, bainhira Prezidente Repúblika foti desizaun ba situasaun ne'ebé la'o daudaun ne’e, laiha polítiku ida mak intervein desizaun ne’e.

Tuir nia, Prezidente Repúblika la'ós partidu ida maka vota ba nia maka sai Xefe Estadu, maibé mai husi votu direita povu tomak nian.

Desizaun saida maka Prezidente Repúblika foti, tuir Lere, parte Forsa Armada apoiu totál. Tanba komandante supremu forsa nian maka Xefe Estadu.

“Iha Timor-Leste ha'u lakohi haree kee ema ida kontra fali Prezidente nian desizaun”, Lere afirma.
Iha soru-mutu ho Prezidente Repúblika, Xefe Estadu Maiór Jerál F-FDTL informa kona-ba situasaun seguransa rai laran.

Ligadu ba situasaun polítika ne'ebé daudaun la’o, povu kontinua hatudu maturidade hodi asegura estabilidade.

Lere garantia sei la mosu krize iha Timor Leste, tanba situasaun ne’e lider sira bele rezolve hanesan uluk iha ai-laran.

@independente.tl

No comments:

Post a Comment