Karta Destituisaun Ba PPN, Aniceto: Prosesu Ba Ona Tribunal

Prezidente Parlamentu Nasional (PPN) Aniceto Guterres lori prosesu karta destituisaun neebe opozisaun hatama ba iha tribunal, tanba iha karta nee razaun ofende no halo akuzasaun oin-oin ba PPN.

Liu husi Komferensia Imprensa  ba jornalista Segunda (11/12/2017) iha sala komferensia PN, Prezidente PN Aniceto Guterres hatete, Publiku tomak hatene opozisaun husi bankada 3 (AMP) Alianasa Maioria Parlamentar hakarak hadau  ukun husi kooligasaun neebe forma governu minoritariu. Tanba hafoin forma tiha AMP uza dalan oin-oin atu hamonu VII governu.

Haree ba sira nia akuzasaun hirak nee laos deit atinji gratuitamente hau nia integridade moral, onra no reputasaun, maibe deputadu proponente sira hatudu intensaun aat, tanba razaun mai ho infantil, argumenta la ho laran-moos dezonestu, halo konkluzaun irrealesta labazeia ba faktus. Tanba nee hanesan sidadaun hanesan mos PPN, hau sei hatan liu husi dalan justisa nian ba akuzasaun hirak nee hotu, tanba nee ohin dader hau hatama ona hau nia prosesu ba iha tribunal,” katak Prezidente PN Aniceto.

Aniceto deklara liu tan katak, eleitu ba P-PN liu husi dalan demokratiku, iha dia 5 Setembru 2017, tanba nee nia sei nafatin P-PN too desizaun Tribunal neebe rejeita nia pedidu, ou iha ona destituisaun definitivu.

Nia afirma, durante fulan 3 asumi kargu nudar PPN, hasoru opozisaun ida neebe abuza liu nia maioria iha PN, atu hodi hamonu governu. I sira lainterese sa kustu nasaun ida nee sei selu iha tempu oin mai. Haree buat neebe sala dehan loos, hareebuat neebe loos dehan sala, nunee mos laviola rejimentu PN dehan fali viola.

Maibe PPN hanesan segunda figura estadu nian, tanba nee iha direitu tomak atu haree ba P-PN, pratika normal ka prezidente PN no kultura vida institusional estadu, no halo poderasaun ba interese nasional neebe sai kauza ho nia eventuais kustus politiku, sosial, no ekonomiku ba nasaun, bainhira halo desizaun atu halo ajendamentu ba rekursu admisaun proposta OR no mosaun sensura ba governu.

@STL