PR – Xanana No Taur Seidauk Konfirmado

Prezidente Partidu CNRT Xanana Gusmão No Líder Partidu PLP Taur Matan Ruak, Seidauk Konfirmadu Atu Partisipa Iha Diálogu Ne’ebé Sei Hala’o Iha Loron 15 Fulan Novembru. Prezidente Repúblika Francisco Guterres Lu-Olo Hateten, Maske Haruka Ona Konvite Ba Líder Polítiku Na’in Rua, Seidauk Iha Kontaktu Direkta.

Francisco Guterres Lu-Olo “Kontaku Direktu Hau Laiha, Maibe Kontaktu Liu Husi Karta, Hau Nia Karta Sai Ona Ba Sira E Hau Fiar Katak Sira Simu Ona, Sira Sedauk Komfirma, Maibe Hau Fiar Katak Sira Sei Komfirma Desde Hori Ne’ebe Kedas Hau Konvida Sira E Sira Sempre Mai, Konvite Ne’e Direitamente Ba Prezidente Do CNRT No Prezidente PLP Ninian.”

Maibé Lu-Olo Garante, Líder Polítiku Sira Sei Partisipa Iha Diálogu, Hodi Kontribui Ba Rezolusaun Konflitu Polítiku. Ba Xefe Estadu, Diálogu Hanesan Opsaun Ne’ebé Mak Ideál, Tuir Mandatu Konstituisaun RDTL, Hodi Rezolve Tensaun Polítika Iha Timor-Leste.

Foin Lalais Ne’e, Komunikadu Palásiu Prezidensiál Konfirma, Diálogu Ne’e Sei Hala’o Iha Nível Prezidente Partidu No Hanesan Insiativa Diálogu Ne’e Hanesan Kontinuasaun Husi Prosesu Ne’ebé Hahu Dezde Kampaña Parlamentar, To’o Tribunál Rekursu Proklama Rezultadu Eleisaun.

Relasiona Ho Planu Ne’e, Sekretáriu Jerál Partidu Fretilin Mari Alkatiri Hateten, Nia Parte Simu Ona Konvite Husi Xefe Estadu Atu Partisipa Iha Diálogu.

@rttlep.tl