PR Lu-Olo Kontinua “Tau Segredu” Karta Xanana Gusmão

Prezidenti Republika (PR) Francisco Guterres Lu-Olo kontinua “tau segredu” karta Prezidenti Partidu CNRT, Kay Rala Xanana Gusmão ba konteudu karta ne’ebe haruka ba nia hodi labele publika ba publiku.

“Karta ne’e hau simu duni, maibe agora hau atu hatete ba publiku agora  seidauk bele, maibe ida ne’e hau deit mak hatene,” dehan PR Lu-Olo iha Kuartel Jeral F-FDTL Fatuhada Dili, Segunda (20/11/2017).

PR Lu-olo simu karta ne’e iha semana kotuk husi prezidenti CNRT Xanana Gusmão.

Tanba ne’e Xefe Estdu ne’e promote iha tempu besik sei fo sai ba publiku atu hatene konteudu husi karta refere.

Alende ne’e nia mos kolia kona ba tensaun politika ne’ebe la’o namanas iha nasaun ne’e, maibe hare’e ba ida ne’e  nia sei buka dalan hodi resolve lalais kestaun ne’e.

“Ita hotu mesak Timoroan deit nusa mak labele koalia tanba ne’e tenki kolia duni para ultrapassa lalais situasaun ne’e hodi fo fiar fali ba ita nia povu hodi hetan governu no parlamentu  ida ke funsiona  ho orgaun sira seluk mos funsiona  hotu lori  esperansa ba ita nia povu,” dehan Xefe Estadu ne’e.

@thetimor-news.com