PM Duvida Ho Deklarasaun Taur

Primeiru Ministru Duvida Ho Orientasaun Prezidente PLP Taur Matan Ruak, Ba Partidu Opozisaun Atu Vota Kontra Proposta Orsamentu Ratifikativu. Mari Alkatiri Hateten, Kada Líder Polítiku Ida Iha Persepsaun Polítika Ne’ebé Diferente, Maibé Proposta Orsamentu Ratifikativu Sei Fó Vantajem Ba Povu.

Mari Alkatiri “Hau Bingung Fali Sedauk Hare Orsamentu Dehan Atu Vota Kontra Ona Ne’e Halo Hau Bingung, Mais Pronto Ne’e Idak-Idak Nia Politika. Ba Hau, Hau Sei Le Uluk Ne’e Fo Vantazen Ba Povu Ka Lae, Hau Nia Politika Atu Fo Vantazen Ba Povu Laos Vantazen Ba Au Nia Partidu.”

Iha Domingu Foin Lalais Ne’e, Prezidente Partidu Libertasaun Popular – PLP Taur Matan Ruak Defazia Partidu Aliansa Maioria Parlamentar Atu Vota Kontra Programa Governu No Proposta Orsamentu Ratifikativu. Taur Taur Matan Ruak, Vota Kontra Ba Proposta Husi Governu La Viola Konstituisaun RDTL.

Taur Matan Ruak “Imi Halo Buat Hotu Menus Viola Konstituisaun, Tamba Ne’e Ita Nia Komportamentu Politiku Ne’e Tuir Konstituisaun Laiha Ema Ida Iha Timor Hatete Ba Ita Katak Ita Halo Buat Lalos.”

Tuir Planu, Sétimu Governu Konstitusionál Sei Aprezenta Proposta Orsamentu Ratifikativu Iha Loron 9 Fulan Novembru. Maske Governu Seidauk Anúnsia Montante Orsamentu Ratifikativu, Primeiru Ministru Konfirma, Dólar Amerikanu Millaun 25 Sei Utiliza Ba Pagamentu Ba Projektu Ajudikadu.

@rrtlep.tl