Tuir planu, diálogu ne'ebé prezide husi Prezidente Repúblika ne’e sei realiza iha Kuarta (15/11).
Diálogu ne’e fó prioridade liu ba lider istóriku sira hanesan Prezidente partidu CNRT, Kay Rala Xanana Gusmão, Prezidente Partidu Libertasaun Populár (PLP), Taur Matan Ruak no Sekretáriu Jerál Partidu FRETILIN, Mari Alkatiri.
“Tuir loloos Prezidente Repúblika halo diálogu ruma ne’e konvida mós ami, maibé ne’e ba CNRT, FRETILIN no PLP de'it. Tanba ne’e, ami husi PD no KHUNTO konsidera la justu mai ami”, dehan Prezidente Bankada KHUNTO, Luis Roberto, iha Parlamentu Nasionál, foin lalais ne’e.
KHUNTO mós duvida ho karta konvite ne'ebé Prezidente Repúblika fó sai, tanba loloos ne’e fó hotu ba partidu lima ne'ebé hetan asentu iha Parlamentu Nasionál maibé tanba saida mak partidu rua ne’e la hetan.
Ne’e duni, Luis konsidera karta konvite ne'ebé fó sai ne’e la justu katak la fo ona konsiderasaun ba partidu foin-sa’e rua ne’e.
Entretantu, Vise-Prezidente Bankada PD, Luis Halaso Ribeiro hatete, Prezidente Repúblika iha papél konstitusionál atu garantia funsionamentu órgaun soberania nian, tanba ne’e tenke buka meius oinsá bele reuni lider nasionál, liuliu lider istóriku sira atu bele garante governasaun ne'ebé estavel atu bele dezenvolve povu nia moris.
Nia hatutan, papél Prezidente Repúblika ne'ebé kontempla ona iha Konstituisaun artigu 106 kona-ba formasaun governu, PR sei indijita ema husi partidu manan maioria simples ka ema ne'ebé mai husi bloku koligasaun.
Nune’e, Prezidente Repúblika haree katak governu ladún estavel, entaun bele bolu hodi reuni lideransa partidu sira atu bele ko’alia kona-ba situasaun polítika ne'ebé daudaun ne’e akontese iha nasaun ne’e.
Nia hatutan, tuir loloos Presidente Repúblika bolu hotu partidu lima ne'ebé hetan asentu iha Parlamentu Nasionál, maibé tanba dala ruma iha hanoin ruma atu ko’alia ho lider istóriku sira entaun partidu rua PD no KHUNTO la hetan konvite atu partisipa diálogu ne’e.
Partidu Demokrátiku mós espera meius ne'ebé Xefe Estadu halo ne’e bele susesu hodi reuni lider partidu tolu, liuliu maun Xanana ho Taur Matan Ruak atu bele hamutuk hodi apoiu governu ne’e bele estavel to’o mandatu remata iha tinan lima nia laran.
“Ami husi PD la hetan konvite ne’e laiha buat ida, tanba iha ne'ebá mensiona momoos katak ho lider istóriku sira importante. Mai ami PD mak nia rezultadu ne’e pozitivu”, dehan Luis Ribeiro.
Nia hatutan, atu reuni lider partidu lima ne’e kontempla mós iha Konstituisaun, maibé prosesu sira ne’e liu hotu ona hafoin mai iha formasaun VII Governu, tanba ne’e entrega de'it ona ba Prezidente Repúblika atu bele uza nia meius hodi finaliza situasaun polítika iha nasaun ne’e.
Tanba ne’e, labele intervein ona meius saida de'it mak Xefe Estadu halo hodi estabiliza situasaun polítika.
@independente.tl
Diálogu ne’e fó prioridade liu ba lider istóriku sira hanesan Prezidente partidu CNRT, Kay Rala Xanana Gusmão, Prezidente Partidu Libertasaun Populár (PLP), Taur Matan Ruak no Sekretáriu Jerál Partidu FRETILIN, Mari Alkatiri.
“Tuir loloos Prezidente Repúblika halo diálogu ruma ne’e konvida mós ami, maibé ne’e ba CNRT, FRETILIN no PLP de'it. Tanba ne’e, ami husi PD no KHUNTO konsidera la justu mai ami”, dehan Prezidente Bankada KHUNTO, Luis Roberto, iha Parlamentu Nasionál, foin lalais ne’e.
KHUNTO mós duvida ho karta konvite ne'ebé Prezidente Repúblika fó sai, tanba loloos ne’e fó hotu ba partidu lima ne'ebé hetan asentu iha Parlamentu Nasionál maibé tanba saida mak partidu rua ne’e la hetan.
Ne’e duni, Luis konsidera karta konvite ne'ebé fó sai ne’e la justu katak la fo ona konsiderasaun ba partidu foin-sa’e rua ne’e.
Entretantu, Vise-Prezidente Bankada PD, Luis Halaso Ribeiro hatete, Prezidente Repúblika iha papél konstitusionál atu garantia funsionamentu órgaun soberania nian, tanba ne’e tenke buka meius oinsá bele reuni lider nasionál, liuliu lider istóriku sira atu bele garante governasaun ne'ebé estavel atu bele dezenvolve povu nia moris.
Nia hatutan, papél Prezidente Repúblika ne'ebé kontempla ona iha Konstituisaun artigu 106 kona-ba formasaun governu, PR sei indijita ema husi partidu manan maioria simples ka ema ne'ebé mai husi bloku koligasaun.
Nune’e, Prezidente Repúblika haree katak governu ladún estavel, entaun bele bolu hodi reuni lideransa partidu sira atu bele ko’alia kona-ba situasaun polítika ne'ebé daudaun ne’e akontese iha nasaun ne’e.
Nia hatutan, tuir loloos Presidente Repúblika bolu hotu partidu lima ne'ebé hetan asentu iha Parlamentu Nasionál, maibé tanba dala ruma iha hanoin ruma atu ko’alia ho lider istóriku sira entaun partidu rua PD no KHUNTO la hetan konvite atu partisipa diálogu ne’e.
Partidu Demokrátiku mós espera meius ne'ebé Xefe Estadu halo ne’e bele susesu hodi reuni lider partidu tolu, liuliu maun Xanana ho Taur Matan Ruak atu bele hamutuk hodi apoiu governu ne’e bele estavel to’o mandatu remata iha tinan lima nia laran.
“Ami husi PD la hetan konvite ne’e laiha buat ida, tanba iha ne'ebá mensiona momoos katak ho lider istóriku sira importante. Mai ami PD mak nia rezultadu ne’e pozitivu”, dehan Luis Ribeiro.
Nia hatutan, atu reuni lider partidu lima ne’e kontempla mós iha Konstituisaun, maibé prosesu sira ne’e liu hotu ona hafoin mai iha formasaun VII Governu, tanba ne’e entrega de'it ona ba Prezidente Repúblika atu bele uza nia meius hodi finaliza situasaun polítika iha nasaun ne’e.
Tanba ne’e, labele intervein ona meius saida de'it mak Xefe Estadu halo hodi estabiliza situasaun polítika.
@independente.tl
No comments:
Post a Comment