Komisaun Nasional Kombate HIV-SIDA aprezenta serbisu ba Primeiru-Ministru

Díli, 30 Outubru 2017; Sekretariu Ezekutivu Komisaun Nasional Kombate HIV-SIDA iha Timor Leste, Rev. Daniel Marçal ho ekipa hato’o serbisu Komisaun nian ba Primeiru-Ministru Dr. Marí Alkatiri, iha Palácio do Governo.

Komisaun Nasional Kombate HIV-SIDA Timor Leste, aprezenta serbisu ba Primeiru-Ministru liu-liu situasaun sira ne’ebé liga ho Kombate moras HIV-SIDA iha Timor-Leste.

Alen de ne’e mós Komisaun aprezenta ba Xefi Governu, preparasaun Komisaun Nasionál Kombate HIV-SIDA Timor Leste (KNKS-TL) kona-ba Nota de intedimentu ho Komisaun Nasional Kombate HIV-SIDA Repúblika Indonézia nian oinsa servisu hamutuk ba prevensaun no transmisaun HIV iha liña fronteira sira.

Primeiru-Ministru Marí Alkatiri iha biban ne’e apresia ho serbisu Komisaun nian no husu atu tau atensaun maka’as liutan ba asuntu ne’e tantu hosi nasionál to’o baze atu reduz hahalok sira ne’ebé hadaet moras HIV-SIDA iha Timor-Leste tanba bele fó ameasa ba rekursu umanu Timor-Leste iha futuru.

@media GPM