FRETILIN Rejeita Akuzasaun Falsu Husi KHUNTO

Bankada Parlamentar FRETILIN liu husi komunikadu de imprensa, klarifika kestaun neebe deputada Armanda Berta dos Santos husi Bankada KHUNTO, neebe iha loron 19 Outubro 2017 deklara iha Plenaria Parlamento Nacional katak, Iha tentativa PARTIDU FRETILIN fo osan ba Khunto atu hamutuk iha koligasaun

Tuir karta komunikadu imprensa neebe maka STL asesu katak, Maske dala barak ona bankada FRETILIN halo klarifikasaun husi media hateten, katak nee la loos, maibe media internet sei nafatin foti kestaun ida nee, mak Bankada Parlamentar FRETILIN hanoin importante atu mai klarifika, liu husi komunikadu de imprensa ida nee.

Partidu  FRETILIN iha prinsipiu no valores neebe hatur as iha Estatutu no Manual Politika, no tuir prinsipios no valores nebe  iha ami rejeita no hakribi hahalok polítika neebe uza osan hodi sosa ema nian konsensia politika,” dehan karta komunikadu imprensa neebe STL, asesu iha Sesta (10/11/2017).

Kumunikadu imprensa nee haktuir tan katak, FRETILIN hanoin, bainhira ita tenta forma polatika ida neebe bazeia deit ba osan, mak nia konsekuensia sei sai ladiak no halo aat ba Futuru Estadu de Direitu Demokratiku. Tamba hahalok hanesan nee ameasa boot ida ba prosesu Democratica, multi partidaria nebe saudavel iha Nasaun doben ida nee.

Hatan ba kestaun ida nee bainhira jornalista STL konfirma Prezidente Partidu KHUNTO atual membru deputadu husi partidu Khunto Armanda Berta liu husi via telefoni hateten, Kestaun ida nee nia foti iha plenaria neebe nia labele halo komentariu fila fali ba ida nee.

@STL