Alkatiri: Hateke Ba Tasi Para Dezenvolve Ekonomia

Konferensia loron mundial maritimu importante ba ekonomia azul, tanba tasi hanesan dalan neebe liga ba dezenvolve ekonomia.

Primeiru Ministru Mari Alkatiri hateten, Loron ida ohin importante ba ekonomia ajul, tanba ekonomia hateke ba tasi para atu halo dezenvolvimentu ekonomia. Tanba tinan atus lima ou atus nee ba kotuk ema barak ona mak lao iha tasi buka sasan ke iha folin, uluk nee maka sandolu, sera, ikus fali maka minarai.

Tasi maka liga ita ba buat sira nee hotu, maibe tasi laos ba ida nee deit tasi nee ohin loron nee ekonomia global, ita presiza sasan hotu ke iha so bele tasi deit maka sai luron ida boot ba ita, para liga ita ba saida maka teknolojia foun saida maka ita hotu hetan bele iha benefisiu,” dehan PM Mari ba jornalista sira, hafoin remata konferensia loron maritimu mundial, neebe halao iha Hotel Timor, Dili, Sesta (10/11/2017).

Xefi Governu hatutan, Ohin kolia konaba riku soin iha tasi, riku soin hanesan minarai nee Timor Leste mesak seidauk bele, maibe tenke buka parseiru para halo. Portantu hanesan halo faan I sosa sasan uja tasi para halo transporte, komunika ho ema nee agora investe dadauk ona ba atu uja Timor Leste tasi rasik para liga Timor Leste nee tomak, husi Munisipiu ida ba Munisipiu seluk.

Iha fatin hanesan Vise Ministru MOPTK Inacio Moreira hateten Xeve importante neebe maka Timor leste planeia oinsa maka bele uza Timor Leste nia tasi, tanba rai nee haleu ho tasi, atu dezenvolve ekonomia nee diak liu tan.

Entretantu Joanico de Jesus hanesan Manejer Trenin advisor hateten, Konaba loron mundial maritime nee halao hamutuk ho nasaun 15 neebe partisipa iha konferensia loron maritima mundial.

@STL