Tempu Ona Lere Reforma

Xefe Estadu Maior Jeneral F-FDTL, Major Jeneral Lere Anan Timur idade avansadu ona. Tan nee tempu too ona atu reforma husi forsa armada F- FDTL no lalika estende tan nia mandatu neebe sei remata 6 Outobru tinan nee.

Tuir Diretur Ezekutiva Asia Justice And Rigth (AJAR), Jose Luis Oliveira, Jeneral Lere idade tama ona reforma.

Hau hanoin ita tenke respeita ema nian direitu liu liu hanesan xefe estadu maior jeneral F-FDTL Maijor Jeneral Lere Anan Timur neebe  tama ona ba terseira idade, katuas ona tenke respeita nia direitu atu reforma, labele tanba  deit ita nia interese politika ba poder,  ita inventa sasan depois  ita hanesan viola katuas sira nian direitu,” dehan Luis ba STL ia nian knar fatin  Edifisiu Asia Justce And Rigth (AJAR) Farol, Segunda (2/10.2017).

Diretur AJAR nee hatutan  katuas ona  presiza deskansa,  laos loron loron  ba servisu hanesan forsa neebe  dader tenke ba sedu,  nee  la respeita ona katuas sira nian direitu.

Jeneral  Lere tuir Jose Luis ema neebe maka dedika ona nia vida tomak ba prosesu luta libertasaun nasional Timor-Leste,  durante tinan rua nulu resin haat (24)  nia laran, ohin  loron kontinua dedika aan ba rai ida nee tinan sanulu resin hitu,  ida nee servisu neebe maka naruk tebes, maske  lolos labele.

Ita tenke respeita nia fo nia  a reforma  hodi nunee bele goza direitu moris nian, maibe kuandu dadaun nee maka estende tan nia mandatu, ida nee ita hanesan kesi hela nia ho servisu,  ba hau nia perspektiva fo ona nia reforma hodi bele goza nia direitu ba moris,” Luis hatutan estadu tenke  respeita sidadaun sira nia direitu, ema neebe idade tama ona terseira idade, iha direitu ba moris  laos atu servisu.

Prolongamandatu Jeneral Leretuir Jose Luis bele konsidera hanesan  estadu falla halo kaderizasaun  iha forsa armadas. Durante nee la dezenvolve instituisaun F-FDTL liu liu ba kestaun kaderizasaun. Estende mandatu Jeneral  Lere uluk tanba iha konflitu  politiku, maibe  depois prolongala foti medidas  neebe serius  atu prepara susesaun lideransa F-FDTL nian, kuase tinan ida nafatin deit.

Instituisaun forsa armada tuir Luis presiza halo trasformasaun jerasional liu-liu  ba kestaun pasajen poder iha instituisaun estadu nian.

Ita labele konsidera katuas sira nee maka bele deit bele deit  foin sae sira labele,  entaun nasaun nee oinsa nasaun nee atu ninian idade nee ho katuas sira nee deit ka  ita tenke iha vizaun ida estadu  sei lao ba oin, tanba nee hakarak ka lakohi  biinhira ita ukun ita mos  tenke prepara  atu dezemvolve foin sae sira hotu  para too tempu ida sira maka tenke hatutan fali ,” komenta Jose Luis Oliveira.

Iha fatin seluk Diretur Ezekutiva HAK, Manuel Monteiro dehan atu estadu   estende mandatu Xefe Estadu  Maio Jeral  F-FDTL Maijor Jeral Lere Anan Timor   tenke  haree mos ba iha lei neebe regula forma armada. Tanba TL estadu de direitu demokrativu, desizaun hotu hotu neebe maka foti nee tenke bazea ba lei.

“Estadu atu estende ka lae nee desizaun hotu tenke submete ba iha lei maka boot liu  hotu hotu,” tenik Monteiro.

*STL