Kondisaun Saude L-4 Hahu Diak

Sekretariu Estadu Asuntu Veteranu Andre da Costa L-4, oras nee hahu rekopera ona husi nia moras, hafoin halo tratamentu iha Hospital Nasional Guido Valadares (HNGV), foin lalais nee.

Primeiru Ministru Mari Alkatiri hateten, Hanesan Xefi Governu nia dever mak atu hare kondisaun saude ba nia membru governu.

Hau nia dever atu tau matan, atu hare saida maka sira presiza, hau kontenti tanba Dotour sira dehan tratamentu lao diak hela, no dau-daun nee nia deskansa hela enkuantu Dotour sira kontinua servisu hodi halo terapia ba nia” Dehan PM Mari, hafoin remata vizita hodi hare kondisaun L-4 iha HNGV, Kuarta,(25/10/2017)

Relasiona ho tipu moras L-4, Xefi Governu deklara, nee kompetensia mediku sira nian atu hare.

Iha fatin hanesan Manuel da Silva hanesan komunidade neebe maka ba vizita moras iha Hospital Nasional Guido Valadares husu ba maromak atu tulun ita nia maun ou aman L-4 atu rekopera lalais husi nia saude, atu nunee bele halao fila fali ninia aktividade servisu hanesan bain bain.

*stl