S.E Sr. DR. Marí Bim Amude Alkatiri. Prezidente Autoridade RAEOA ZEESM TL Atual S.E Primeiro-Ministro RDTL halao fiskalizaun iha Area Natar Kolam Xina, iha Monumentu Lifau nian sorin.

Iha fatin ida ne’e, Sekretariu Rejional Agrikultura Dezenvolvimento Rural hahu introduz serbisu inisial produsaun hare sistema mekanizadu efetivu. Serbisu faze inisial nee inklui hatetuk area nebe sei kuda hare atu garante efisiensia uza bee irrigasaun no garantia kuda hare nebe lalais. Hare sei kuda dala ida hamutuk ho adubus no uza makina kuda hare. 

Faze ida ne’e hanesan esperimentasaun ida natar nain hamutuk Tolu Nulu Resin Ne’en (36) iha area natar Kolam Xina, besik Monumentu Lifau Oe-cusse Ambeno ne’ebé desidi hamutuk ho Autoridade RAEOA ZEESM TL liu husi Sekretariu Rejional para Agrikultura Dezenvolvimentu Rural atu nune’e natar nain sira natar bele esperiemanta no gratuita hodi desidi hamutuk katak rezultadu kulheta hare iha esperimentasaun sistema mekanizadu nee sei entrega pursentu 100 ba natar nain sira rasik.

Tuir kalkulu tekniku sistema ne’ebé introduz sei produz lima-walu (5-8) toneladas hare/hectar natar. Serbisu ida ne’e sei realiza iha fulan dezembru 2017 atu kuda hare iha fatin refere. Tanba rezultadu diak husi esperimentasaun ne’e sei ajuda hari’i Politika mekanizasaun agrikultura iha RAEOA no mos ZEESM TL nian.

Iha biban ida ne’e mos Dr. Marí Alkatiri halao mos fiskalizasaun ba iha Programa no Planu Projetu ZEESM TL nian mak hanesan Ponte Noefefan, Ponte dirasaun Santa Rosa-Mahata, Ponte dirasaun Mahata-Sakato no Estradas. Hare ba iha Estrada no ponte noefefan tenki iha Manutensaun atu nune’e Estrada bele dura nomos ponte noefefan, tenki iha tekniku sira para bele hare atu nune’e manutensaun ba ponte noefefan.

*Pajina FB ZEESM TL