Retira CSP Husi Eis-Membru Governu

Ministru Defeza ho Seguransa, José Agostinho Sequeira ‘Somotxo’, haruka karta ba Komandu Jerál Polisia Nasionál Timor Leste (PNTL) atu retira hotu membru Corpo Seguransa Pesoál (CSP) husi eis-membru governu sira.

Komandante Jerál PNTL, Komisáriu Júlio da Costa Hornay hateten, Ministru Defeza ho Seguransa fó orientasaun eskrita hodi retira hotu membru CSP ne’ebé sei kontinua apoia seguransa ba eis-membru governu sira.

“Ita husu ba sira (eis-governante) tenke kumpre orientasaun sira ne’e. Kumpre lei tanba Ministru Defeza no Seguransa rasik hatún ona despaxu mai ami atu ezekuta”, dehan nia, iha Kuartél Jerál PNTL-Dili, horisehik.

Nune’e, komandu mós husu ba Komandante Unidade Espesiál Polisia (UEP) atu halo klarifikasaun no informa ba komandante jerál kona-ba membru CSP balun ne'ebé kontinua fó seguransa ba membru eis-governante balun.

*independente.tl