Reseitas Roo Nakroma Bazeia Ba Tiket

Reseitas husi Roo Nakroma bazeia ba bilite ou Tiket neebe maka faan, tanba nee ninia reseitas ladun boot.

Kestaun nee fo sai husi Vice Ministru Transporte komunikasaun, Inacio Moreira ba Jornalista sira Kinta (19/10/2017) iha Parlamentu Nasional (PN).

Hau hanoin ema barak maka kestiona konaba reseitas roo Nakroma, tanba kada tinan tenke halo manutensaun, maibe  despezas ho reseitas nee boot hotu deit, maibe importante bilete sira neebe faan nee, ita tenke halo jestaun didiak,”informa nia.

Nia mos hatuir tan katak, maske publiku kestiona makas konaba reseitas kiik, maibe manutensaun boot, maibe atu dehan deit katak, hakarak ou lakohi  maka sasan estadu nian nee tenke halo duni manutensaun, tanba sasan nee lao, importante jestaun ba orsamentu neebe aloka nee tenke jere didiak, no kondisaun Nakroma halo nia operasaun diak hela.

Iha fatin hanesan Deputadu Domingos de Carvalho mos hatutan, kada tinan governu tau osan hodi halo manutensaun ba roo Nakroma, maibe haree ba reseitas husi Nakroma kiik.

“Hau hanoin atu kontribui reseitas ba kofre estadu, sala satu maka roo Nakroma nee, tanba nee husu ba governu atu kontrola didiak, ho nunee bele kontribui reseitas ba kofre estadu,” informa nia. 

@STL