Programa VII Governu Sei Aprezenta Semana Oin

Tuir kostituisaun artigu 108 alineia 2 hateten programa governu neebe Konsellu Ministru  aprova ona iha prazu la liu loron tolunulu nulu, sura husi governu hahu nia funsaun.

Tamba nee programa VII governu konstitusional sei apresenta ba Parlamentu Nasional hahu iha loron Segunda semana oin.

Lia hirak nee hatoo husi Primeiru Ministru Mari Bin Amude Alkatiri ba jornalista sira hafoin halo enkontru semenal ho Prezidente Republika, iha palasiu Prezidensial Bairo Pite, Kinta (5/10/2017).

Horseik hahu halo apresentasaun programa do VII governu nian ba iha Konsellu Ministru, liu husi enkontru Konsellu Ministru ho ida nee aprograma governu neebe maka apresenta seidauk halo apovasaun buat ruma husi programa nee, tamba proposta oin-oin neebe maka mai husi Ministru sira hodi presiza hadia tan buat balun no hasai tan buat balun, entaun agora hadia hela programa nee no aban sei dei aprova no Segunda feira sei haruka ba Parlamentu,” dehan Xefi Governu.

Xefe governu nee dehan programa prioridade neebe governu nee iha maka parte infraestrutura basika, liu-liu konsentra ba bee mos, eletrisidade neebe maka durante nee komunidade balun ladaun asesu no estrada neebe maka seidauk favoravel.

Tuir Mari governu ida nee mos fo prioritisaun ba iha parte abitasaun nian liu-liu ba uma sira   halai liu ba kestaun ordenamentu teritoriu, neebe maka hare liu ba iha sidade Dili nian. Oinsa maka atu regularize parte sidade Dili neebe maka dadaun nee ladun iha tratamentu diak.

*STL