Prezidente Republika Francisco Guterres Lú Olo liu husi komunikadu imprensatuir dekretu Prezidensial numeru 65/2017, nomeia fila fali xefe estadu Maior Jeneral F-FDTL maijor Jeral Lere Anan Timor kontinua nia mandate durante tinan ida.

Tuir komunikadu husi palasiu Prezidensial katak Prezidente Republika Francisco Guterres Lú Olo nomeia atual xefe estadu maior Jeral F-FDTL ho nian vise ba iha mandate tinan ida.

Prezidente Republika Francisco Guterres Lú Olo ho proposta husi governu no hafoin rona tiha  Konsellu Superior Defeza no Seguransa, Nomeia Fila Fali  Maijor Jeneral Lere Anan Timur  nudar Xefe Estadu Maior Jeral F-FDTL  liu husi dekretu Prezidensial da Republika numeiru 65/2017, no Xefe Estadu prolonga mos Vise Xefe Estadu Maior Jeneral F-FDTL Brigadeiru Jeral Filomeno Paixao ho dekretu prezidensial numeru 66/2017, nunee mos xefe estadu mos prolonga mandatu Xefe Estadu Maior F-FDTL Koronel Falur Rate Laek ho dekretu prezidensial numeiru 67/2017.

Maijor Jeneral Lere Anan Timur, Brigadeiru Jeral Filomeno Paixao no mos xefe estadu F-FDTL Koronel Falur Rate Laek sei kontinua nafatin sira nia knar hahu husi loron nee (6) fulan Outobru tinan ida nee ho durasaun tinan ida.

Alem ida nee Prezidente Republika Francisco Guterres Lu Olo liu husi nian dekretu Prezidensial 69/2017 nomeia Jose Antonio do Rosario Soares, hanesan Sekretariu Konsellu Supeior Defeza no Segurasa.

*STL